Eskolartekoa 2021

Udaberrian eta udan egingo du Eskolarteko Bat-bateko Bertsolari Txapelketak bere bidea lurraldeetan; udazkenean gauzatuko dugu Euskal Herrikoa lurraldeetako txapeldunordeekin eta txapeldunekin.

32. Eskolartekoa izango da aurtengoa, Euskal Herrikoari dagokionez. Ikastolen Elkarteak eta Bertsozale Elkarteak gauzatzen dugu elkarlanean bat-bateko egitasmoa, eta aurtengoan udaberrian eta udan gauzatuko dira lurraldeetako kanporaketa saioak eta finalak. 14-18 urteko gazteek hartzen dute parte bat-bateko txapelketa honetan.

2019-06-08 Sara

Gipuzkoan izan dira goiztiarrenak; apirilaren 23an egin dute lehen kanporaketa saioa. Gerora hasi dira Bizkaian eta Araban ere, eta Lapurdi, Baxenabarre eta Zuberoa elkartzen dituen txapelketan ekainean egingo ditugu kanporaketak. Nafarroak saio bakarrera ekarriko du Eskolartekoa.

Lurraldeetako txapeldunekin eta txapeldunordeekin Euskal Herriko finala egingo da udazkenean.

Eskolarteko bat-bateko txapelketaren finalak

  • Araba. Maiatzaren 15ean, Agurainen (Bertsoa Bizi Gazte Egunarekin batera).
  • Gipuzkoa. Maiatzaren 28an, Urnietan.
  • Bizkaia. Maiatzaren 29an, Igorren.
  • Nafarroa. Maiatzaren 29an, Lesakan (Nafarroako Bertso Eskolen Egunarekin batera).
  • Lapurdi, Baxenabarre eta Zuberoa. Ekainaren 26an, Senperen.
  • Euskal Herria. Udazkenean.