Txapelketen errepaso historikoa Hitzetik Hortzera bukatzeko

2017/04/20

Igande honetan denboraldiko azken Hitzetik Hortzera saioa izango da ikusgai ETB1en. Aurten mende erdi beteko da 1967ko Bertsolari Txapelketa Nagusitik eta txapelketa hartatik 2013kora arteko errepasoa eginez, udazkenean iritsiko den Bertsolari Txapelketa Nagusira begira jarriko da telebista programa.

Andoni Egañak Xabier Amuriza elkarrizketatuko du Hitzetik Hortzeran

2017/04/12

2016ko udaberrian, 75 urte bete zituenean, iragarri zuen Xabier Amurizak bertso plazetako ibilbidetik erretiratzera zihoala. Andoni Egaña gidari hartuta bere bizitzaren errepasoa egingo du igandeko programa bereziak: Etxanoko haurtzaroa, seminarioko garaiak, Bertsolari Txapelketa Nagusiak, plazetako bidea, erretiroa... Eta, noski, bere bertso onenak ere ekarriko dira gogora.

Nafarroako Bertsolari Txapelketako protagonistak, Bertsoan

2017/04/11

Finala amaitu eta berehala Julen Zelaieta, Eneko Fernandez, Xabi Terreros, Xabi Maia, Aimar Karrika, Ander Fuentes "Itturri" eta Eneko Lazkoz bertsolarien lehen inpresioak jaso ditu sareko plazak. Horrez gain, Julio Soto txapeldunari egindako elkarrizketa luzea sareratuko da gaur bertan.

Gipuzkoako Herriarteko finalerdietarako eta finalerako sarrerak salgai daude

2017/04/11

Maiatzaren 6an eta 13an izango dira bi finalerdiak, finala berriz, maiatzaren 27an.

Gipuzkoako Herriartekoko finalerdiak erabakita geratu dira

2017/04/11

Azkoitian, Gabirian, Urretxun, Hondarribian, Abaltzisketan eta Oñatin jokatu dira bigarren faseko azken saioak, eta Erniarraitz 1, Karidadeko benta, Am...ona eta Osinalde taldeak pasa dira finalerdietara.

Julio Soto da Nafarroako Bertsolari Txapelketako txapelduna

2017/04/08

1.300 bertsozale inguru bildu dira Iruñeko Anaitasuna kiroldegian, eta giro beroan jokatu da finala. Julio Sotok eta Eneko Lazkozek jokatu dute buruz burukoa. Azkenean, 925,5 puntu bilduta, Julio Sotok jantzi du txapela, Luzia Goñi 89 urteko bertsolariaren eskutik.

UPV/EHUko Uda Ikastaroak, apirileko BertsoZalean

2017/04/07

Euskal Herriko Bertsozale Elkartearen Batzar Nagusia gauzatu zen aurreko hilabetearen amaieran, eta onartutako egitasmoaren berri ere badakar hilabete honetako berripaperak.

Sei saio izango dira aste honetan Herriartekoan

2017/04/06

Abaltzisketa, Azkoitia, Gabiria, Hondarribia, Oñati eta Urretxun jokatuko dira Herriarteko bigarren faseko azken saioak. Beraz, asteburu honetan erabakiko da zer taldek abestuko duten Alegian eta Bergaran egingo diren final aurrekoetan.

Albiste gehiago

Agenda

RSS ikonoa Twitter ikonoa fb email

BDB gaur

1989-04-23 Baigorri

Txomin Ezponda, Jean Pierre Mendiburu

Mendiburu:
Biak gu lanik gabe gaude ta
sar gaiten beraz torero
aberastuta biak ederki
bizi behar gaituk gero.

Ezponda:
Zeren horien adar haundiak
kusirikan aldi oro
hortxe irrisku asko duk eta
Ian hortan ni ez nauk bero.

Mendiburu:
Beldurrez hago lagun maitea
egoadi otoi isilik
jada gaur arte badiat segur
zezen asko bai nik hilik.

Ezponda:
Hik gezur eta balentri asko
solasetan ainitz jestu
bizi nahi duenak zezen artean
badik sobera irrisku.

Mendiburu:
Zezen artean irriskurik den
ni gaur horrek beldur ez nau
orain arte ere enseguetan
ibilki naiz egun ta gau.

Ezponda:
Hire lanekin gaur Mendiburu
otoi eman zuk bakia
sar hadi eta heorrek har zak
gaur lehen adarren kolpia.

Mendiburu:
Heure soinua ez duk izana
neretzat xarmegarria
nihaurk eskaini beharko deiat
zezenaren belarria.

Ezponda:
Belarri hori eskuratzea
ez bait litzake itsusi
zezenak maite ditut nik eta
aparte nahiago bizi.

Hauxe da gauza zelebrezkua

¿Donostiako hirudamatxo¿izenekodoinuaz Sarasate musikagileak egindako joku musikalak organoz jotzen noizbait entzun Lazkaotxikik eta geroztik erabiltzen hasi zen bere saioetan. 1962 urteko txapelketan Eibarren kantatu zuen bertso honekin sartu da bertso munduan.