Amaia Elizagoien eta Xabat Illarregi pasa dira Bertsokabiko finalera, Barañaingo saioa irabazita

2017/10/21

Barañaingo Lanabe aretoan jokatutako saioan nagusitu dira, Saioa Alkaizak eta Aitor Irastortzak eta Saats Karasatorrek eta Unai Artiedak osatutako bikoteen aurretik. Giro beroan joan da saioa; 80 bat entzule bildu dira bertsotaz bertatik bertara gozatzeko.

Gaur argituko da Bertsokabi Sariketako finala, Barañaingo Lanabe Kultur Elkartean

2017/10/20

Sariketako azken kanporaketa jokatuko da gaur, 20:30ean, Barañaingo Lanabe aretoan, eta hor zehaztuko da heldu den osteguneko finalean ariko den hirugarren bikotea. Amaia Elizagoienek eta Xabat Illarregik, Saioa Alkaizak eta Aitor Irastortzak eta Saats Karasatorrek eta Unai Artiedak osatutako bikoteak izango dira gaurko oholtzan. Egoitz Gorosterrazuk, bestalde, Irati Majuelo ordezkatuko du finalean.

Finalaurrekoekin batera, saio osagarriak izango dira Bastidan eta Maule-Lextarren

2017/10/19

Bertsolari Txapelketa Nagusiko finalaurrekoak hasiko dira hilaren 28an eta, aurreko fasean bezala, horien inguruan hainbat saio osagarri antolatu dituzte. Hain zuzen, Bastidan kantu poteoa, "Plaza bete poz" emanaldia eta upategietara bisita antolatu dituzte. Maule-Lextarreko finalaurrekoaren egunean ere, saioaren aurretik bazkaria antolatu du Sohütako ikastolak. Hortaz, hemendik aurrera ere egun pasa polita egiteko aukera izango dute saioetara hurbiltzen diren bertsozaleak.

Transmisio eragilea, lan deialdia

2017/10/18

Urtebeteko ordezkapen bat egiteko Transmisio eragilea behar du Euskal Herriko Bertsozale Elkarteak. Curriculum Vitaeak aurkezteko epea: 2017ko azaroaren 15a.

Finalaurrekoak, ostertzean

2017/10/18

Urriaren 28an ekingo dio Bastidan Bertsolari Txapelketa Nagusiak bigarren faseari, finalaurrekoei. Final laurdenetatik sailkatu diren 18 bertsolariei, duela lau urte finalista izandako 6 bertsolari batuko zaizkie.

Final laurdenetako bertsogintzaz

2017/10/17

"Txapelketatan koadernoa askotan aipatzen da. Motxila ere esaten zaio. Aldea dago ordea koadernotik koadernora. Bertsotik bertsora. Laritik larira eta keratik kerara. Nolako bertsolaria, halako koadernoa. Badira laukiak eta laukidunak. Badira bi marradunak, hortik irten gabe zuzen aritzeko. Orri zuriak dituztenak ere badira, non hasiko eta non bukatuko duten tankerik hartzen ez zaienak". Xabier Sukia bertsolari eta kazetariak final laurdenetako fasearen analisi xehea egin du.

Txapelketa Nagusiko finalerako sarrera guzti-guztiak bukatu dira

2017/10/15

Abenduaren 17an BECen jokatuko den Bertsolari Txapelketa Nagusiko finalerako sarrera guzti-guztiak saldu dira. Gaur saldu dira azken sarrerak eta behin aretoko aforoa beteta ez da sarrera gehiagorik salgai jarriko. Finalerako autobus eta bazkarirako txartelak zein gainerako saioetarako sarrerak www.bertsosarrerak.eus webgunean daude salgai.

Etxahun Lekuek irabazi du Tolosako final laurdena

2017/10/14

Fase hau amaituta, gaur ezagutu ditugu finalaurrekoetara pasa diren 18 bertsolariak. Hastear den bigarren fase honetan batuko zaizkie txapelketan duela lau urte finalista izan ziren 6 bertsolari.

Albiste gehiago

BDB gaur

2005-10-23 Arrasate

Arkaitz Estiballes, Aitor Sarriegi

A. Sarriegi:
Galdera egin didate
zuk eta beste bik
eta beste behin ere
barrua bete dit;
ez zenuen espero
horrela janzterik
baina ez zazu uste
zapia kentzerik
mundua era hontan
ikusten baitet nik. (bis)

A. Estiballes:
Lasai ulertzen zaitut
eta ez naiz kexu
erlijioarekin
hainbat konpromezu
goizean jeiki eta
milaka errezu
niretzat ulergaitzak
diren hainbat mezu?
Beste era baten ere
ikus dezakezu. (bis)

A. Sarriegi:
Ez zait asko gustatu
zure aitzakia
ikusteko nahiko det
libre den zatia
hala izan zelako
nere erabakia
munduan ezberdina
baita gizakia
batzuk gurutzea ta
besteok zapia. (bis)

A. Estiballes:
Atzean familia
atzean etxea
zaila dugu ohitura
hori aldatzea
baina zure aurrean
nolako trantzea
estalita dauzkazu
aurre ta atzea
zapi hori ez al da
zure gurutzea? (bis)

A. Sarriegi:
Hau ez da gurutzea
entzu'idazu entzun
Alari bai baitiot
hainbeste maitasun;
zugandik espero det
hainbat laguntasun
eta ez dakit ia
ze esan, ze erantzun
zapi honen atzean
ni ikus nazazun. (bis)

A. Estiballes:
Zu ondo ikusteko
gaur zabiltza eske
lasai horren atzean
ikusi nezake
ta ikusten dudana
ez dut asko maite
zapi ta guzti eta
gainera horren gazte
kendu ezazu eta
izan zaitez aske. (bis)

Realzaleok maite / Amaren besoetan

Bertsolarigoak bereganatu duen eran transkribatu dugu doinua.