Final laurdenetako bertsogintzaz

2017/10/17

"Txapelketatan koadernoa askotan aipatzen da. Motxila ere esaten zaio. Aldea dago ordea koadernotik koadernora. Bertsotik bertsora. Laritik larira eta keratik kerara. Nolako bertsolaria, halako koadernoa. Badira laukiak eta laukidunak. Badira bi marradunak, hortik irten gabe zuzen aritzeko. Orri zuriak dituztenak ere badira, non hasiko eta non bukatuko duten tankerik hartzen ez zaienak". Xabier Sukia bertsolari eta kazetariak final laurdenetako fasearen analisi xehea egin du.

Txapelketa Nagusiko finalerako sarrera guzti-guztiak bukatu dira

2017/10/15

Abenduaren 17an BECen jokatuko den Bertsolari Txapelketa Nagusiko finalerako sarrera guzti-guztiak saldu dira. Gaur saldu dira azken sarrerak eta behin aretoko aforoa beteta ez da sarrera gehiagorik salgai jarriko. Finalerako autobus eta bazkarirako txartelak zein gainerako saioetarako sarrerak www.bertsosarrerak.eus webgunean daude salgai.

Etxahun Lekuek irabazi du Tolosako final laurdena

2017/10/14

Fase hau amaituta, gaur ezagutu ditugu finalaurrekoetara pasa diren 18 bertsolariak. Hastear den bigarren fase honetan batuko zaizkie txapelketan duela lau urte finalista izan ziren 6 bertsolari.

Tolosan erabakiko da finalaurrekoen osaketa

2017/10/13

Bertsolari Txapelketa Nagusiko azken final laurdena jokatuko da bihar 17:00etatik aurrera, Tolosako Beotibar pilotalekuan.

Badator Hernandorena sariketa

2017/10/13

Urriaren 27an hasi eta azaroaren 25a bitartean hiru kanporaketa eta Finalarekin ospatuko da aurtengo Hernandorena Sariketa. Saio guziak arratseko 21:00etan izanen dira. Orotara 18 bertsularik hartuko dute parte.

Zumaia eta Tolosako bertsoaldi onenak Hitzetik Hortzeran

2017/10/12

Aurrera doa Bertsolari Txapelketa Nagusia eta Hitzetik Hortzera aukera paregabea da horren jarraipena egiteko. Pasa den igandean Zumaian jokatu zen eta datorren larunbatean Tolosan jokatuko den final laurdenetako bertsoaldi onenak eskainiko ditugu igandean, 15:00etan, ETB1en.

(H)ari naizela, (h)ari naizela...

2017/10/12

Pello Errotaren hitzak bere eginda, Tolosaldeko Atarian irratsaioa aurkezten dihardu Imanol Artola "Felix"ek. FMaren 107.6an entzun daiteke Tolosaldean eta nonahi egonda www.ataria.eus webgunean.

Joanes Illarregi eta Ekain Alegre nagusitu dira BERTSOKABI Sariketako bigarren kanporaketan

2017/10/11

Iruñeko Herriko Tabernan jokatutako saioan izan dira garaile, Josu Sanjurjok eta Iñigo Gorostarzuk eta Mikel Lasartek eta Idoia Granizok osatutako bikoteen aurretik. Giro ederrean egin da saioa, taberna goraino bete duten 70 bat entzuleren aurrean.

Albiste gehiago

BDB gaur

2008-10-17 Durango

Igor Elortza, Aitor Mendiluze

A. Mendiluze: Urteetan ta urteetan
galdezka jo ta su
amona barrenean
zuk zer daramazu?
Ta zu erantzun gabe
kontatzeko izu
urte luzeetan mutu
mantendu zera zu
ta orain hitzik gabe
erantzun didazu.

I. Elortza: Beraz nik bape berba
barik zuri erantzun.
Ai iloba gaztea
zenbat buru dozun!
Ondino hainbat gauza
behar dozu entzun
eta ia gero zer
iruditzen jatzun:
esan ezin dodana
nahi dot entzun daizun.

A. Mendiluze: Memoriak hitzetan
dauka bere muga
baina orain erantzun bat
irudi modura
eta zuri distira
begi ingurura.
Haurtzaroko irudiak
datozkit burura:
aitona al zen argazki
zaharretako hura?

I. Elortza: Ez zan zure aitita
neure anaia zen
baina bardin-bardin da
nago ni pentsatzen.
Baina zelan hitzak zeuk
aitatu dozuzen
horixe jakin daizun
gura dot hain zuzen
amaman haurtzaroa
noz joan zan amaitzen.

A. Mendiluze: Agian zoriontsu
zinen aurrenean
gerra etorri arte
bere txarrenean.
Gertatu zena hemen
gertatu zenean
haurtzaroa lapurtu
zuri azkenean
eta zer gelditu zen
zure barrenean?

I. Elortza: Galdera ez da errez
erantzutekoa:
berrogei urte gerrai
emonaz lepoa
beste hogeta hamar eta
gogoratzekoa
ta esperantza bat da
hor barrenekoa
zuk zeozer hobea
ezagutzekoa.

A. Mendiluze: Urteetan horixe zen
zuen ahalegina
ojala gu hobeto
biziko bagina!
Beti gogoan joan zen
denbora gordina.
Beraz arren barkatu
nahi gabe egina
mingarri bazitzaizun
nere jakin-mina.

I. Elortza: Pozgarria da hori
ta ez esan, barka!
Baina bakarrik kontau
ahal neban zeharka.
Han izango da oroimen
bertso eta kanta
horrek ezagutzea
baino ez dozu falta
zeu ere gerra horren
iloba zara-ta.

Ariztimuño, Jose "Aitzol"

Hil 1936-10-17

"Gerra aurreko kultur bilkuretako argazkietan, gehien zabaldu direnetan, maiz, ia gehienetan, sotanaz jantzitako gizon lodi samar bat kausituko dugu —Txirrita zen gailentzen zuen bakarrenetakoa—. Zine...

Ai gure antzinako

Berezia eta apartekoa da doinu hau neurriari dagokionez, 1.puntuaren ondorengo lerro errimatu horrek bizitasuna damaiolarik. Deiturari dagokionez berriz esan dezagun, hasteko, ¨Esne Saltzailea¨ izenez dela ezaguna doinu hau, baina guk ez dugula ezagutzen neurri eta izen horretako bertsorik. 2013-05-27an Euskadi Irratian Erramouspe jaunari entzun diogu doinu honetan Ameriketako Esne-saltzailearen bertso sorta eder bat, guk ezagutzen ez genuena. Guk ezagutu ditugun neurri horretako bertsorik ezagunenak J. K. Zapirainen bertsoak direnez, eta Bertsotan liburuan aukera hori egin genuen ezkero, horrelaxe izendatzen dugu oraingoan ere, ¨Ai gure antzinako¨. Ifarraldean ere asko erabili da doinu hau, Saratarra naizela izeneko bertsoak kantatzeko gehienbat. Asko entzun izan dira baita ere, Xabier Leteren ahotsez, Andresek bere andregaiari jarritakoak.