Bertsozale.eus Bertsozale Elkartea

otsailak 22, Gasteiz, Aizkorak

BERTSO-POTEOA

Bat-bateko taldeak: Aizkorak Zorroztu – Gasteiz eta Txandrio - Arabar Errioxa

Idatzizko taldeak: OhShibaro Bertso Team eta Añanan Euskara Mingainean Elkartea

Antolatzailea: Aizkorak Zorroztu - Gasteiz

Argazkiak

   

Argazki gehiago ikusteko

Kronika

Aizkorak zorroztu taldeak egindako kronika

Aizkorak-Zorroztu eta Txandriotarrak!

Azkenean Aizkora tabernan egin genuen bertso-bazkaria, izan ere, larunbata zoratzeko moduko eguna izan zen Gasteizen, eta hainbeste ekimen eta konturekin bertsozaleak ere batetik bestera ibili ginen Gasteizen: eguerdian bertsolariak libre-ko prentsaurrekoa bertsoz kantatua, ondoren bertsolariak auzipetzera eraman zituen kalejira hartako gainerako auzipetu eta legunekin kalejira bat, hau ere bertsoz girotua, ondoren gure bertso bazkaria, iluntzean bertso poteo antisionista eta gauean kinkienean beste bertso afari bat. Sobredosia!

Gure bertso bazkaria ederra izan zen. Bazkaltzen 20 bat lagun egon ginen eta saiorako beste 20 bat etorri ziren kafea hartzera. Añanakoek bertso sorta ederra prestatu zuten, turismo-bulegorako kontratatzeko moduan daude! Denori piztu ziguten gogoa hara joateko, umeretsu eta ilusioz beterik kantatu zuten. Artistak! Ondoren bat-bateko saioan giro ona izan zen nagusi, errealitatea eta fikzioa nahastu ziren: egia ote da euskal gazte bat Madrilera epaiketa joan behar zuen egun batean lokartu zenekoa? Egia ote da Araba Euskaraz aurten LaPuebla de Labarkan izango dela eta Tribuaren Berbak-koek aramaixoarra bilatu zutela Errioxan? Egia ote da bazkari-buelta prestatzen ari direla txandrioxarrak, aizkorak ardoa eta olioaren lurraldera eramateko? Egia ote da JoTaFa txaranagakoak joan zirela saiora eta taberna osoa burrunban jarri zutela bertso ta kantez? Egia ote da urtebetetzea egun horretan zuen ume txiki batek alboka jo zuela Anbotoko Mariren pare? Egia ote da gai-jartzaile/aurkezle pareari bezperan esan zietela aurkezle/gai-jartzaile egiteko eta biharamunean ez zekitela artean bezpera edo biharamuna ote zen? Egia ote da grabadora eta argazki kamara ofizialak zorroan lo edo lozorroan geratu zirela ahaztuta?

To be continued.

Bertso idatziak

Añanan euskara mingainean taldea

1.

Arratsalde on Siberia-Gasteiz

gaur hemen gaude gustora

gu Arabako patrimonio

badugu gatz eta polbora

horregatik hemen Añanan

ez dugu galtzen denbora

seguru noizbait joan zaretela

Zaballan dugun zulora

baina Añana kartzela hori

baino askoz gehiago da

2.

Añana heltzen da Urduñatik

Arabar Errioxar arte

eta hala ere oraindik gaude

mundutik pixkat aparte

Valderejotik hamaika putre

eta lakuan ze pake

Gesaltzan beti izaten dute

gatzarekin mila arte

Felipek eta Letiziak ere

bere etxean daukate

3.

Baina Frakina iritzi zela

gutxienez lau-bost urte

amerikarrek Paxi Lopezi

sartu hamaika enbuste

orain haustura hidraulikoak

horrenbeste buruhauste

gure lurretan sartzeko__eskua

zaila edukiko dute

Añana ezin baitugu saldu

hiru-lau txanponen truke

4.

Euskara ere aurrera doa

nahiz eta ez egon altu

geroz eta jende gehiagok daki

nahiz eta gutxi mintzatu

txikiak gara baina__ohi ditugu

herriko jaiak ospatu

beraz datekin argi ibili

ta Añana bisitatu

baina ez ahaztu lehendabiziko

tragoa__euskaraz eskatu

Albisteak

Bertso-debutak Arabako Kuadrilla artekoan

Bertso-debutak Arabako Kuadrilla artekoan

2014/02/25

Kuadrilla artekoaren parte hartzeko sistemak laguntzen du jende aurreko debutak izateko askorentzat. Asteburu honetako lau saioetan horrela gertatu da. Bertsolaritza herrikoia Agurainen, Legution eta Gasteizen egin diren bi saioetan.

Bertso-debutak Arabako Kuadrilla artekoan - Gehiago irakurri

Bertso-poteoak eta bazkariak asteburu honen Arabako Kuadrilla artekoan

Bertso-poteoak eta bazkariak asteburu honen Arabako Kuadrilla artekoan

2014/02/20

Arabako Kuadrilla artekoaren laugarren asteburua dator. Lau saio: Agurainen eta Legution poteoak eta Gasteizen bazkari bat eta afari bat antolatu dira. Aurtengo Kuadrilla artekoaren parte hartzeko sistema honek ahalbideratzen du bertso kuadrilla guztien egoerara eta izaerara egokitzea. Arabako taldeen izaeraren aniztasuna eta bertso-saio formatuen aniztasuna errespetatzen ditu. Talde antolatzaileak gonbidatuko duen taldearekin batera adosten dute saioaren formatua.

Bertso-poteoak eta bazkariak asteburu honen Arabako Kuadrilla artekoan - Gehiago irakurri

Fitxa

Eguna
2014/02/22
Ordua
19:30
Herria
Gasteiz
Tokia
Aizkora tabernatik hasita