Gipuzkoa

Erabakita geratu da Gipuzkoako Eskolarteko finala

2017/03/20
Pasa den ostiralean jokatu zen azken kanporaketa Orion, eta Andoni Mujika izan zen nagusi.

Orioko Aldapa Elkartean jokatu zen Gipuzkoako Eskolarteko bosgarren eta azken kanporaketa. Gontzal Belategi, Ane Peñagarikano, Julene Iturbe, Gartxot Ramirez, Peio Etxabe, Igauri Lopetegi, Ekain Lopez eta Andoni Mujika aritu ziren kantuan Irati Agirreazaldegi gai jartzailearen gidaritzapean. Andoni Mujika izan zen saioko irabazlea, beraz, finalera zuzenean sailkatua. Ondorioz, erabakita geratu zen Azpeitiko finalean kantatuko duen zortzikotea:

- Urko Arregi

-Libe Goenaga

-Oihana Arana

-Jokin Irastorza

-Andoni Mujika

-Ane Beloki

-Iker Ormazabal

-Itziar Mendia

Finala apirilaren 2an izango da Gipuzkoako Bertso Eskolen egunaren baitan Azpeitiko Soreasu antzokian, goizeko 11:00etan. Idatzizko txapelketako sari banaketa ere bertan egingo da.

Agenda

2017-08-24 Donostia Hitzaldia

Udako Ikastaroa. Bertsolarien kantaera eta sormena. "Bertsolarien kantaeraren bilakaera denboran zehar. Oiartzungo kasua"

2017-08-24 Donostia Hitzaldia

Udako Ikastaroa. Bertsolarien kantaera eta sormena. "Bertsolaritzaren prosodia: hitza eta musikaren arteko harremana ulertzeko gakoak"

2017-08-24 Donostia Hitzaldia

Udako Ikastaroa. Bertsolarien kantaera eta sormena. "Zer da doinua, zer da kantaera bertsolariarentzat?"

2017-08-24 Donostia Hitzaldia

Udako Ikastaroa. Bertsolarien kantaera. Mahai-ingurua

Agenda osoa

BDB gaur

2013-08-24 Amezketa

Arkaitz Estiballes, Xabier Silveira

A. Estiballes

Ohean sartu ta hurreratu
natzaizu goxo, suabe
lotan zeundela uste nun baina
negar-zotinka hor zaude
baina ez ahaztu gure alabak
geu gaituela zutabe
bera ere ongi egongo dela
gu ere ongi bagaude. 

X. Silveira

Hori esaten errex da baina
hori da soilik esate
gero jasaten ezinezko zait
alaba gutaz aparte.
Nire ondoan sentitzen zaitut
ta pixka't urrundu zaite
hura gurekin ez dagoenetik
zu're ezin zaitut maite. 

A. Estiballes

Zenbat bidaia zenbat bisita
urrutira zenbat txango!
Gaur zortzi urte kendu ziguten
eta ez digute emango.
Laister etxean daudela esaten
dabiltz hemengo ta hango
baina hasieratik bagenekien
erreza ez zela izango. 

X. Silveira

Bagenekien baina ez nun uste
horrela izango zenik.
Militantzia politikoan
hasi zen gazte izanik
preso hartuta torturatuta
kartzelan dago azkenik
ta okerrena da ez dirudila
inoiz itzuliko denik. 

A. Estiballes

Ta gutxi balitz mugitzen dute
gaur hona ta bihar hara
halan ta ere hilabetero
ikusten dugu alaba.
Guzti hontatik gauza ona ere
behar genduke atara:
bera urrundu zigutenetik
gu hurbildu egin gara. 

X. Silveira

Zuk hitz politak sarri dauzkazu
soilik ni kontsolatzeko
hura urrun ta gu ere urrun
jarri gara azkeneko.
Berak guztia eskeini zuen
gure herria askatzeko
ta herriak ez du ezer egiten
beraiek ateratzeko.

A. Estiballes

Ia bi orduz negarrez zeunden
ohean neure aiduru
baina burutik ideia txarrak
kentzea hobe da seguru.
Zatoz laztana gaur jan behar bait
zaitut izter eta buru
Athleticek bi gol sartu ditu
bi bota behar ditugu. 

X. Silveira

Zer pentsatuko ote du garela
gu etxeko bi txotxolak
sufrimendua baretzerikan
balu bezela futbolak!
Maitia nei bost ajola zaizkit
gaurko Athleticen golak
horrelakotan baloiak baino
nahiago ditut pistolak. 	

A. Estiballes

Leheno zenion nahiko haserre
zeundela herriarekin
gu bisitara joaten gatzaizkio
bis a bisetara berdin
manifetara hurbiltzen gara
beti enkarteladekin
herriak zer ein dun ez dakit baina
guk gehio ezin degu egin. 

X. Silveira

Maiz gertatzen da nere senarrak
ulertzea alderantziz
alaba etxean dagoenetik
inkomunikauta gabiltz.
Ez nun esan nahi armen biderik
hartu behar denik berriz
bakar-bakarrik esan nahi nizun
disparatzeko bi aldiz. 

Arrosagarai, Joanes (1949-1998)

Hil 1998-08-24

Joanes Arrossagaray Aintzile (Baxenabarre) herrian sortu zen, Mentaberria baserrian. Aita, Domingo, bertako semea zen eta ama, Mariana, Jatsuarra. Oinarrizko ikasketak eginik, goiz hasi zen lanean. ...

Rezola, Luis "Tximela"

Jaio 1914-08-24

Tolosan jaio zen Luis Rezola (1914-1993) Tximela bezala ezagunagoa zena. Bere aitona, Tolosako Izaskun auzokoa, tximel-tximela omen zen eta haren ondorengoek deitura hori hartu zuten. Bertsotan ume-u...

Publiko artean izan

Doinu honekin sartu zaigu Xabier Paya bertsolaria ere, bertso doinuen sortzaileen ohorezko sailean. Aipagarria da azkeneko bi puntu-doinu errepikatuz, horietako lehengoan puntua ere errepikatu ondoren, azken puntua berria sartzearen teknika ezohizkoa. Ikus, Igo aurretik lasai, izeneko doinu berria ere.