Gipuzkoa

Erabakita geratu da Gipuzkoako Eskolarteko finala

2017/03/20
Pasa den ostiralean jokatu zen azken kanporaketa Orion, eta Andoni Mujika izan zen nagusi.

Orioko Aldapa Elkartean jokatu zen Gipuzkoako Eskolarteko bosgarren eta azken kanporaketa. Gontzal Belategi, Ane Peñagarikano, Julene Iturbe, Gartxot Ramirez, Peio Etxabe, Igauri Lopetegi, Ekain Lopez eta Andoni Mujika aritu ziren kantuan Irati Agirreazaldegi gai jartzailearen gidaritzapean. Andoni Mujika izan zen saioko irabazlea, beraz, finalera zuzenean sailkatua. Ondorioz, erabakita geratu zen Azpeitiko finalean kantatuko duen zortzikotea:

- Urko Arregi

-Libe Goenaga

-Oihana Arana

-Jokin Irastorza

-Andoni Mujika

-Ane Beloki

-Iker Ormazabal

-Itziar Mendia

Finala apirilaren 2an izango da Gipuzkoako Bertso Eskolen egunaren baitan Azpeitiko Soreasu antzokian, goizeko 11:00etan. Idatzizko txapelketako sari banaketa ere bertan egingo da.

Agenda

2017-03-24 Hernani Eskolartekoa

Gipuzkoako Eskolarteko Txapelketa. Idatzizkoa

2017-03-24 Hernani Eskolartekoa

Gipuzkoako Eskolarteko Txapelketa. Saio didaktikoa

2017-03-24 Zizurkil Txapelketa

Gipuzkoako Herriarteko txapelketa: "Karidadeko benta" (Zizurkil-Asteasu) vs. Ereñotzu. Bertso afaria

Agenda osoa

BDB gaur

1980-03-22 Azpeitia

Imanol Lazkano

Ahaztua al duk gure herrira
heldu hitzan egun hura?
Panazko galtzak sabela hutsa
ta begietan tristura
hemen hartu dek orain daukaken
señoritoen itxura
errespetatzen dit Andaluzi
ta berdin Extremadura
ta hik gurea errespeta zak
guk hirearen modura.

Umezurtz gisa ogian bila
heldu hitzan guregana
baduk sendi bat beso zabalez
ongietorri emana
bertan izan dek bizilekua
bertan izan dek zer jana
ta ezak ahaztu Euskadi dala
sendi jator horren ama
gure etxian ez leikek bizi
ama hau hil nahi duana.

Razistarik ez abertzale bai
Euskal Herrian euskaldun
bide hortatik jokatu nahi dun
edozein dek gure lagun
Madrilek ere bazekik ondo
hortarako zer behar dun:
eskubideak osorik eman
beti zigorka ez jardun
behin betirako metraileta ta
bonbak baztertu ditzagun.

Lopetegi, Martxelina

Jaio 1864-03-22

Oiartzungo Galtzarreta baserrikoa, bost senide ziren: Guadalupe, Nikolasa, Kanuta, Kaitano eta txikiena bera, Martzelina. Bertsotan aise jarduten omen zuen. 1907an, 43 urte zituela, Juan Kruz Irastort...

Dozena bat bertso berri A

Erreparatzekoa da Piarres Lafittek egindako Manex Etxamendiri buruzko liburuan zenbaterainoko ardura duen bertsoei dagozkien doinuak ipintzeko, eta berdin esan genezake Mattin, Xalbador eta Ifarraldeko bertsozaleetaz orokorrean. Izan ere P. Lafitte ez zen edozein izan euskal kulturan eta gure arloan ere lan asko egin zuen, besteak beste Mariya, Kantuz kanta liburu popularrak argitaratuaz.