Eskolartekoa 2016

XXVIII. edizioa du aurtengoan Euskal Herriko Eskolarteko Bertsolari Txapelketak.

Herrialdeetako txapelketak jokatu dira lehenik, finalak gehienetan herrialdeetako Bertso Eskolen Egunen baitan ospatuz. Aurten guztira 15-18 urteko 88 gaztetxo aritu dira kantuan, herrialdeetan eskaini diren 11 kanporaketa saioetan.

EUSKAL HERRIKO FINALA ETA FESTA ekainaren 4an egingo da Ereñotzun, Hernaniko auzo-udalean, Txirrita hil zeneko 80. urteurrenaz loturik.

IMG 5677

  • 11:00etan: bat-bateko txapelketaren finala, pilotalekuan.

Bertsolariak 15-18 urteko 12 gazte dira; herrialde bakoitzeko bi bertsolari (txapelduna eta txapeldunordea).

- Arabatik, Aroa Arrizubieta Barredo (2001, Gasteiz) eta Peru Amorrortu Barrenetxea (2000, Gasteiz).

- Bizkaitik, Txaber Altube Sarrionandia (1998, Abadiño) eta Unai Mendiburu Valor (1998, Getxo).

- Gipuzkoatik, Beñat Mujika Izagirre (1998, Donostia) eta Aizpea Garmendia Iartza (1998, Lazkao).

- Lapurditik, Kerman Díaz Franco (1998, Urruña) eta Nahia Sasco Etxeberri (1998, Lekuine); eta Baxenabarretik, Elixabet Etxandi Goyenetche (2000, Izpura) eta Oier Urreizti Lafitte (2000, Bidarrai).

- Nafarroatik, Joanes Illarregi Marzol (1999, Leitza) eta Xabat Illarregi Marzol (2001, Leitza).

Maite Berriozabalek jarriko ditu gaiak eta aurkeztuko du saioa. Hauek izango dira bete beharreko ariketak:

  1. Hasierako agurra. Gehienez 5 puntuko neurrian
  2. 8ko handian bina bertso. Ofizioko gaian, binaka.
  3. 8ko txikian bina bertso. Ofizioko gaian, binaka.
  4. Bakarka bertso bana. Gehienez 5 puntuko neurrian. Gaia emanda.*
  5. Bukaerako agurra. Gehienez 5 puntuko neurrian.

*Puntuazioz, 6 sailkatuek: bakarka gaia emanda, bertso bana gehienez 5 puntuko neurrian

Epaile taldea herrialde bakoitzeko epaile banak osatuko dute: Aitor Jimenez (Araba), Joseba Santxo (Bizkaia), Martin Aramendi (Gipuzkoa), Joakin Arregi (Lapurdi), Nerea Bruño (Nafarroa) eta Iban Thicoipe (Baxenabarre). Txapela Alaia Martinek jarriko dio irabazleari.

Finaleko sari nagusia Gabonetako oporraldietan egingo den Ahots Baten sormen egonaldia izango dute parte-hartzaileek: bertan aukera izango dute antzerki mundutik, kantagintzatik zein literaturatik datozen euskal gazteekin elkartzeko, aterpetxe batean. 

Finalari buruzko informazioa www.bertsozale.eus eta www.ikastola.net atarietan argitaratuko da. Bat-bateko finala ikusgai jarriko da www.bertsoa.eus webgunean.

Bazkari txartelak 15 euroan daude eskuragai www.bertsosarrerak.eus atarian eta maiatzaren 30era arte izango dira eskuragai. 150 lagunentzat eskainiko da bazkaltzeko aukera.

Eros itzazu bazkari txartelak www.bertsosarrerak.eus atarian!
  • Bazkalondoan festa, sagardotegian bertan. Eli Pagola eta Agin Laburu bertsolariak ariko dira kupelen artean, librean. Ondoren, erromeria emanaldi berezia izango da 18:00ak arte, Xabier Solano, Jon Mari Beasain, Sergio Ordoñez eta Harkaitz Bastarrikaren eskutik.

Herrialdeetatik autobusak jarriko dira Ereñotzura eta sagardotegira. Autobusez etorri nahi izanez gero, jarri harremanetan zure herrialdeko Bertsozale Elkartearekin.

ANTOLATZAILE ETA LAGUNTZAILEAK

Eskolartekoa Ikastolen Elkarteak eta Bertsozale Elkarteak antolatu dute elkarlanean, bertso-eskolen laguntzari esker.

Euskal Herriko finala antolatu ahal izateko beren laguntza eskaini duten erakundeak hauexek izan dira: Ereñotzuko auzo-udala, Euskadiko Nekazaritza eta Elikadura Ekologikoaren Kontseilua (ENEEK), Bizkaiko Aldundia eta Eusko Jaurlaritzako Hezkuntza eta Kultura Saila.

 

KANPORAKETAK

GIPUZKOAn otsailan eta martxoan jokatu dira kanporaketa saioak, bertso afari formatuan 5 saio eginaz.

  • 2016/02/12 Legazpi. Muruazpi elkartean, 19:00etan
  • 2016/02/19 Lasarte-Oria. Arrieskaileta elkartean, 19:00etan
  • 2016/02/26 Zarautz. Urpekoaken, 19:00etan
  • 2016/03/11 Aretxabaleta. Murualde elkartean, 19:00etan
  • 2016/03/17 Azkoitia. Iraurgi elkartean, 19:00etan

ARABAn asteburu pasako formatuan, apirilaren 14tik 18ra egin ziren gazteen arteko kanporaketa saioak.

BIZKAIAn maiatzeko lehen astean egingo dira kanporaketak.

  • 2016/05/03 Getxo. Azebarri Kultur Elkartean, 17:30ean
  • 2016/05/04 Bermeo. Eleizalde ikastolan, 15:00etan
  • 2016/05/05 Deustu. bertso-eskolan, 17:00etan
  • 2016/05/06 Elorrio. Txintxirri ikastolan, 15:00etan

LAPURDI, BAXENABARRE ETA XIBEROAn

  • 2016/05/21 Hazparne. Zinema Gelan, 10:00etan


HERRIALDEETAKO FINALAK

NAFARROA. Eskolarteko finala eta bertso merendua

  • Apirilak 15 Altsasu. Itxesi euskaltegian 18:30ean.
  • Bertsolariak: Joanes Illarregi (Leitza), Xabat Illarregi (Leitza), Idoia Granizo (Altsasu) eta Ekain Alegre (Altsasu). 

*EHko Eskolarteko finalera sailkatu diren bertsolariak: Joanes Illarregi Marzol (Leitza), Xabat Illarregi Marzol (Leitza)

GIPUZKOA. Eskolarteko finala eta Bertso Eskolen Eguna

  • Apirilak 17, Eibar. Coliseoan, 11:30ean.  
  • Bertsolariak: Aizpea Garmendia (Lazkao), Itziar Mendia (Beasain), Andoni Mujika (Urnieta), Beñat Mujika (Donostia), Ane Peñagarikano (Zarautz), Libe Goenaga (Getaria), Gontzal Belategi (Oñati) eta Urko Arregi (Oñati).

*EHko Eskolarteko finalera sailkatu diren bertsolariak: Beñat Mujika (Donostia) eta Aizpea Garmendia (Lazkao).

ARABA. Eskolarteko finala eta festa

  • Maiatzak 21 Aramaio. Kultur Etxean, 11:00etan.

LAPURDI, BAXENABARRE ETA ZUBEROA. Eskolarteko finala eta Bertso Eskolen eguna.

  • Maiatzak 21, Hazparne. Zinema Gelan, 14:30ean.

 BIZKAIA. Eskolarteko finala eta Bertso Eskolen Eguna

  • Maiatzak 22 Getxo. Fadura Aretoan, 11:30ean.

Bazkari txartelak eta kamisetak: www.bertsosarrerak.eus