Txaber Altubek irabazi du Markina-Xemeingo finalaurrekoa eta osatu da finala
Markina-Xemeingo Uni frontoian izan da Bizkaiko Bertsolari Txapelketaren finalaren aurreko azken geltokia. Bosgarren finalaurrekoa izateaz gain, ezagutu dugu finalean ariko direnen zerrenda. Kanpoan hotz, baina ia 700 lagun frontoi barruan eta giroa bero, sei lagun hauek kantatu dute bertsozaleentzako:
- Gorka Pagonabarraga Agorria
- Imanol Uria Albizuri
- Jone Uria Albizuri
- Oihana Bartra Arenas
- Txaber Altube Sarrionandia
- Xabat Galletebeitia Abaroa
Lan puntuagarri guztiak egin ostean Txaber Altube izan da puntu gehien batzea lortu duena, 638,5 puntu. Beraz, abenduaren 20an Bilbon jokatuko den finalerako txartela lortu du Abadiñoko bertsolariak. Horrela geratu dira gaurko puntuazioak.
Txaber Altube Sarrionandia_________638,5
Jone Uria Albizuri__________________630,5
Oihana Bartra Arenas______________620
Gorka Pagonabarraga Agorria______614
Xabat Galletebeitia Abaroa_________614
Imanol Uria Albizuri________________594
Gai-jartzaile beharretan Zihara Enbeita Gardoki arituko da. Epaile, ostera, hauek izango dira: Ainhoa Arregi Elosua, Ander Arrien Aspiazu, Garazi Mendoza Agirre, Jurgi Fuentes Goikoetxea, Marta Ortiz Mateo, Mirari Azula Aurrekoetxea eta Miriam Juaristi Urizar. Idazkari beharretan Itziar Basterretxea Olarreaga egon da.
Esan bezala, azken finalaurrekoa izan da eta osatu da finala. Albiste honetan aurkituko duzue finalera sailkatutakoen zerrenda.
Finala abenduaren 20an jokatuko da, Bilbon. Sarrerak salgai daude bertsosarrerak.eus atarian. Horrez gain, ETB1en ere emitituko da, zuzenean.
