Bidarte | Azaroak 8

Sindikalistak zirezte. Greba mugimendu batean parte hartzen duzue azken asteetan. Egunetik egunera, grebalarien kopurua apalduz doa

Bi erakasle zirezte. Ohartu zirezte ikasleek adimen artifiziala gero eta gehiago baliatzen dutela etxeko lanen egiteko.

Gobernuz Kanpoko Erakunde bateko bi boluntario zirezte. Biak Gazara joateko deituak izan zirezte. Zuen lehenbiziko eguna bukatu duzue eta parez pare afaltzen ari zirezte, isilik.

Bikotea zirezte, Elixabet erregularki telebistan pasaten diren sukaldaritza emankizunak begiratzen dituzu eta aste guziz entseatzen duzu ikusiriko errezeta bat. Aitor, gaur ere ez duzu Elixabetek prestatu duenaren jateko gogorik.

Oier igarlea zira. Azkenaldian Nahia egunero-egunero heldu da zure kontsultara.

Maddi Ane ebaslea zira eta udan kostaldeko bigarren etxebizitzak dituzu zure jomuga nagusienak. Etxe handi bateko zerradura hausten hasi eta zure parean Karlos, zure ttipitako laguna agertu zaizu, pijametan.

Elixabet, osteopata zira, eta Nahia zure ohiko pazientea. Elixabet, gaur Nahia ikusi duzu herriko bestetan harria altxatzen.

Aitor beganismoaren aldeko militante sutsua zira. Maddi Ane, zure auzoaren etxean zerri hiltzea dute gaur. Zerriaren garrasiak entzun orduko, Maddi Anerengana joan zira.

Karlos, tabako bulego bateko nagusia zira. Oier, zure herriko medikua heldu zaizu zigarreta paketa bat erostera.

Elixabet futbolaria zira. Partida hasi denetik zure kide beltzak baloia duen bakoitzean zimino oihuak entzuten dituzu harmailetan. Bigarren zatia hastera doa.

Oier emazte gaztea zira. Urteetan saiatu ondotik, haurdun izaiteko tratamenduak gelditzea erabaki duzu.

Karlos kantaria zira. Multinazional batek zure bira diruztatzea proposatu dizu, bere marka erabiltzearen truke. Gaur eman behar diozu erantzuna.

Aitor nerabea zira. Nehoiz baino kirol gehiago egiten duzu eta sekulan baino gehiago zaintzen duzu elikadura. Alta, mirailean ikusten duzuna ez duzu gustuko.

Nahia adineko pertsona bat zira. Zure eskualdean sute handiak direnez, gaur zure etxea uzteko agindua ukan duzu.

Maddi ane seme/alaba bakarra zira. Azken urteetan, zure gurasoaz arduratu behar izan duzu, etxean. Gero eta ezinduagoa da. Badakizu erabaki bat hartzeko tenorea dela.

Familiako etxaldea hartu duzue, halabeharrez. Etxean lanean hasi berri zirezte. Maddi Ane, argi duzu hori dela egin nahi duzun lanbidea. Elixabet, berriz, dudak dituzu.

Familiako etxaldea hartu duzue, halabeharrez. Etxean lanean hasi berri zirezte. Oier, argi duzu hori dela egin nahi duzun lanbidea. Aitor, berriz, dudak dituzu.

Familiako etxaldea hartu duzue, halabeharrez. Etxean lanean hasi berri zirezte. Nahia, argi duzu hori dela egin nahi duzun lanbidea. Karlos, berriz, dudak dituzu.