Finalaurrekoen bigarren buelta, zuzenean
Bizkaiko Bertsolari Txapelketako finalaurrekoen bigarren bueltako saioak ate joka daude. Eta beste salto bat emango du txapelketak: zuzeneko emanaldiak izango dira, ETB4n. Ilaski Serranok aurkeztuko ditu saioak, Ander Elortegi Garatea alboan duela.
Datozen bi zapatutan jokatuko dira azken finalaurrekoak. Hauexek izango dira saioak:
Bihar, azaroaren 15ean, Bermeoko Artza frontoian, 17:00etan:
- Aissa Intxausti Aburruza
- Aitor Bizkarra Ruiz
- Aitor Etxebarriazarraga Gabiola
- Ibai Amillategi Omaetxebarria
- Onintza Enbeita Maguregi
- Unai Mendiburu Valor
Gai-jartzaile beharretan Leire Garatxena Larrabe arituko da.
Azaroaren 22an, Markina-Xemeingo Uni frontoian, 17:00etan:
- Gorka Pagonabarraga Agorria
- Imanol Uria Albizuri
- Jone Uria Albizuri
- Oihana Bartra Arenas
- Txaber Altube Sarrionandia
- Xabat Galletebeitia Abaroa
Gai-jartzaile beharrak Zihara Enbeita Gardokik egingo ditu.
Epaile, ostera, hauek izango dira: Ainhoa Arregi Elosua, Ander Arrien Aspiazu, Garazi Mendoza Agirre, Jurgi Fuentes Goikoetxea, Marta Ortiz Mateo, Mirari Azula Aurrekoetxea eta Miriam Juaristi Urizar. Idazkari beharretan Itziar Basterretxea Olarreaga egongo da.
Saioetako sarrerak bertsosarrerak.eus atarian daude eskuragai eta frontoietako txarteldegietan saioaren egunean bertan. Bestalde, finala ETB1en zuzenean jarraitzeko aukera ere egongo da, finalaurrekoekin ETB4n gertatu bezala: Ilaski Serranok aurkeztuko du finala, Ainhoa Urien Telletxe alboan duela.
