Azken finalaurrekoa jokatuko da zapatuan, Markina-Xemeinen
Bizkaiko Bertsolari Txapelketa heldu da azken finalaurrekora. Zapatu honetan, azaroaren 22an, finalaren aurreko azkenengo zita izango dute Bizkaiko bertsozaleek. Markina-Xemeingo Uni frontoian izango da azken finalaurrekoa, arratsaldeko 17:00etan. Saioa bukatzearekin bat, finalera sailkatutakoen zerrenda ezagutuko dugu.
Saioan, sei bertsolari hauek arituko dira:
- Gorka Pagonabarraga Agorria
- Imanol Uria Albizuri
- Jone Uria Albizuri
- Oihana Bartra Arenas
- Txaber Altube Sarrionandia
- Xabat Galletebeitia Abaroa
Gai-jartzaile beharretan Zihara Enbeita Gardoki arituko da. Epaile, ostera, hauek izango dira: Ainhoa Arregi Elosua, Ander Arrien Aspiazu, Garazi Mendoza Agirre, Jurgi Fuentes Goikoetxea, Marta Ortiz Mateo, Mirari Azula Aurrekoetxea eta Miriam Juaristi Urizar. Idazkari beharretan Itziar Basterretxea Olarreaga egongo da.
Sarrerak salgai
Sarrerak salgai daude bertsosarrerak.eus atarian, eta saioaren egunean oraindik sarrerarik balego, Uni frontoiko txarteldegian egongo dira, 16:00etatik aurrera.
