Peru Abarrategik irabazi du Laudion finalaurrekoetarako txartela

2026/02/15

Giro ederrean jokatu da 2026ko Arabako Bertsolari Txapelketako lehen faseko bigarren saioa. Lan denak bukatuta Peru Abarrategi izan da punturik gehien metatu dituen bertsolaria eta beraz Aramaioko finalaurrekora zuzenean pasako da.

Iritsi da 2026ko Arabako Bertsolari Txapelketa, XVII. edizioa da aurtengoa. Azken edizioetan irudikatu genuen ibilbideari jarraiki, Arabako bertsolaritzaren talde elkarlana adierazten duen irudia fondoan, 18 bertsolariekin jokatuko den txapelketako lehen fasea hasi da gaur, final lehen fasea. Bigarren saioa Laudioko Kasinon jokatu da.

Jokoan aritutako sei bertsolariak, hurrengoak:

Manu Bendala Garcia-Donas (Sevilla/Sarria)

Peru Abarrategi Sarrionaindia (Aramaio)

Andere Arriolabengoa Bengoa (Aramaio)

Aitor Ugarte Eriz (Aramaio)

Hegoi Amabizka Gamiz (Gasteiz)

Ekaitz Samaniego Curiel (Gasteiz)

Lehen fase honetan 13na bertso puntuagarri kantatu dituzte bertsolariek. Ariketa guztiak egin ondoren, Peru Abarrategi lortu du puntu gehien, 251,5 puntu. Lehen faseko hiru saioen puntuazioaren hurrenkeran osatuko dira finalaurrekoak. Puntuazioak ondorengoak izan ziren:

Peru Abarrategi: 251,5 puntu

Ekaitz Samaniego: 241 puntu

Andere Arriolabengoa: 236,5 puntu

Aitor Ugarte Eriz: 233 puntu

Hegoi Amabizka: 222,5 puntu

Manu Bendala: 222,5 puntu

Hamabi lagunez osatutako gai-jartzaile taldetik Irati Martinez Izaga izan da Laudioko aurkezlea. Lehen faseko bigarren saioko epaimahaia horrela osatuta egon da: Ekaitz Elorriaga Anduaga, Fernando Sopelana Alonso eta Aitor Jimenez Tolosana. Endika Jimenez Enbeita idazkari lanetan.

Hemen Laudioko irudi batzuk

Hurrengo saioa, otsailaren 21ean izango da Izarrako Kultur Etxean, arratsaldeko 17:30ean.