Albisteak
Los Arcosen jokatuko da txapelketako lehenengo faseko azken saioa, igandean
2025/10/23Kultur Etxean egingo da txapelketako lehen faseko azken saioa, 17:30ean. Irabazleak zuzenean eskuratuko du finalaurrekoetarako txartela, eta saioa bukatutakoan argituko dira hurrengo fasera sailkatzen diren beste bertsolarien izenak ere.
Xabat Illarregik lortu du puntu gehien Iruritako saioan, eta finalaurrekoetara sailkatu da
2025/10/18Azaroaren 16an Tafallan jokatuko den finalaurrekorako txartela eskuratu du Leitzako bertsolariak. 180 bertsozale bildu dira Iruritako Gizarte Bilgunean, txapelketako lehen faseko hirugarren saioa bertatik bertara jarraitzeko.
Iruritako saioak emango dio jarraipena txapelketari
2025/10/17Iruritako herriak hartuko du txapelketaren lehen faseko hirugarren saioa. Sei bertsolari izango dira kantuan Gizarte Bilgunean, finalaurrekoetarako txartel baten bila. Irabazleak, izan ere, zuzenean lortuko du sailkapena; besteek lehen faseko saio guztiak bukatu arte itxaron beharko dute. 17:00etan hasiko da saioa, eta sarrerak eskuragarri daude www.bertsosarrerak.eus atarian.
