Bermeon jokatuko da finalaurrekoen bigarren bueltako lehen saioa, zapatuan
Bizkaiko Bertsolari Txapelketa azken txanpan ari da sartzen: zapatuan, azaroaren 15ean, finalaurrekoen bigarren bueltako lehen saioa jokatuko da. Bermeoko Artza frontioan izango da saioa, arratsaldeko 17:00etan.
Saioan, sei bertsolari hauek arituko dira:
- Aissa Intxausti Aburruza
- Aitor Bizkarra Ruiz
- Aitor Etxebarriazarraga Gabiola
- Ibai Amillategi Omaetxebarria
- Onintza Enbeita Maguregi
- Unai Mendiburu Valor
Finalaurrekoetako bi bueltetako puntuazinoak batuta, puntuazino altuena lortzen dabeen 8 bertsolariak sailkatu dira finalera.
Gai-jartzaile beharretan Leire Garatxena Larrabe arituko da. Epaile, ostera, hauek izango dira: Ainhoa Arregi Elosua, Ander Arrien Aspiazu, Garazi Mendoza Agirre, Jurgi Fuentes Goikoetxea, Marta Ortiz Mateo, Mirari Azula Aurrekoetxea eta Miriam Juaristi Urizar. Idazkari beharretan Itziar Basterretxea Olarreaga egongo da.
Sarrerak salgai
Sarrerak salgai daude bertsosarrerak.eus atarian, eta saioaren egunean oraindik sarrerarik balego, Aratz frontoiko txarteldegian egongo dira, 16:00etatik aurrera.
