Aitor Bizkarrak irabazi du Zeanuriko finalaurrekoa

Sarrera guztiak agortuta, horrelaxe hasi dira Bizkaiko Bertsolari Txapelketako finalaurrekoak. 525 bertsozale elkartu dira Zeanuriko Ibarreta frontoian, finalaurrekoetako lehenengo bueltako lehenengo saioan. Kantuan, sei bertsolari hauek aritu dira:

• Aissa Intxausti Aburruza
• Aitor Bizkarra Ruiz
• Bittor Altube Sarrionandia
• Imanol Uria Albizuri
• Jone Uria Albizuri
• Oihana Bartra Arenas

Lan puntuagarriak amaituta, Aitor Bizkarra izan da puntu gehien batu dituen bertsolaria, 649,5 puntu. Horrela, finalaurrekoetako bigarren bueltan kantatuko du Abadiñoko bertsolariak, Bermeon, azaroaren 15ean. Honela geratu dira gaurko puntuazioak:

1. Aitor Bizkarra Ruiz..............................649,5
2. Jone Uria Albizuri...............................649
3. Oihana Bartra Arenas........................629,5
4. Imanol Uria Albizuri...........................615
5. Aissa Intxausti Aburruza...................594
6. Bittor Altube Sarrionandia.................547

Gaurkoan Beñat Vidal Gurrutxaga aritu da gaiak jartzen. Epaile lanetan, ostera, Ainhoa Arregi Elosua, Ander Arrien Aspiazu,  Garazi Mendoza Agirre, Iñaki Aurrekoetxea Arkotxa, Jurgi Fuentes Goikoetxea, Marta Ortiz Mateo  eta Miriam Juaristi Urizar aritu dira. Idazkari lanetan Itxaro Juaristi Olaetxea egon da.