Hiriburuko saioan argituko dira final aitzinekoak

2025/12/16

Abenduaren 21ean, igandez, jokatuko da bigarren faseko azken saioa Hiriburuko La Perle gelan.

Xilaba bertsolari txapelketa Lapurdira itzuliko da eta Hiriburun eginen digu kuku, 17:00etan hasiko da saioa.

Saioan sei bertsolari hauek arituko dira kantuan:

Gai emailea Antton Lannes Duhalde izanen da. Eta epaile lanetan talde hau arituko da: Ainhoa Sarasua Laskarai, Eneko Bidegain Aire, Zuhaitz Olazabal Susperregui, Iban Thicoipe eta Ortzi Murua Berra.

Final aitzinekoei so

18 bertsolaritik 12 sailkatuko dira heldu den fasera. Bigarren faseko bi saio jokatuta, dagoeneko 12 postuetatik 6 erabakita daude. Miren Artetxe eta Maddi Ane Txoperenak saioko garaile izanik segurtatua dute kadira. Puntuazioz, matematikoki final aitzinetan daude Maddalen Arzallus, Patxi Iriart, Elixabet Etxandi eta Haira Aizpurua. Hiriburuko garailea zuzenean sailkatuko da final aitzinekoetara eta Bardozeko saioan kantatuko du urtarrilaren 17an.

Sartzeak salgai

Sartzeak www.bertsosarrerak.eus loturan eskura daitezke. Sartzeak ez badira aitzinetik bukatuak, egunean berean 16:00etatik aitzina aukera izanen da lekuan berean erosteko.

Bideek bidea, goazen Xilaba!