Herriarteko poteoa bertan behera

2026/05/28

Gipuzkoako Bertsozale Elkarteak bat egiten du Mugimendu Feministak eta Bertsozale Elkarteak egindako salaketarekin eta deialdiarekin. Ondorioz, Herriarteko finalaren baitan antolatutako poteoa bertan behera gelditu da.

Bertsozale Elkarteak, Oreretako Mugimendu Feministak eta Oiartzungo Feministen Asanbladak argitaratu duten komunikatuan azaltzen den moduan, bertso-irakasle batek bere posizioa eta erreferentzialtasuna baliatu ditu modu sistematizatuan botere-harremanak garatzeko eta erasotzeko. Behin eta berriz errepikatu ditu erasook bertso-eskoletan, Xenpelar bertso-eskolarekin lotutako espazio informaletan eta bertso mundutik haratagokoetan.

Komunikatua osorik irakurtzeko, egin klik hemen.

Hori horrela, larunbatean, eguerdiko 12:30ean, Oreretako kaleak hartzeko eta kasua salatzeko elkarretaratzea egingo da Oreretako Foru Plazan (Xenpelar).

Gipuzkoako Bertsozale Elkarteak bat egiten du deialdiarekin eta salaketarekin; ondorioz, Gipuzkoako Herriartekoko goizeko egitaraua bertan behera geldituko da. Poteorik ez da izango. Eguerditik aurrerako ekintzak egingo dira: bazkaria eta osteko finala.