Maddi Ane Txoperena gailendu da Aiherrako saioan

2025/12/06

Aiherrako Denen etxea gelan jokatu da bigarren faseko lehen saioa. Saioa irabazteaz gain final aitzinekoetara sailkatu da Maddi Ane Txoperena.

Aiherrako Denen etxea gelan abiatu da Xilabaren bigarren fasea. Lekorneko bertso eskolako haurrek biziki ongi eman diote ongi etorria bertaratutakoei. Irati Alcantarillaren ordez Pettan Prebende aritu da kantuan, eta berarekin batera honako bertsolariak izan ditugu oholtza gainean:

Lan puntuagarri guztiak osatu ondotik, Maddi Ane Txoperena izan da puntu gehien bildu dituena: 415.

Honela gelditu dira saioko puntuazioak:

Maddi Ane Txoperena Iribarren----------------------415
Maddalen Arzallus Antia--------------------------------414
Patxi Iriart Hiribarren--------------------------------------408,5
Karlos Aizprua Etxarte------------------------------------385,5
Josu Txoperena Iribarren--------------------------------353,5
Pettan Prebende Thikoipe-------------------------------297,5

Gai emaile lanetan Aritz Bidegain Aire aritu da.

Epaile lanetan aldiz, Ainhoa Sarasua Laskarai, Zuhaitz Olazabal Susperregui, Ortzi Murua Berra, Iban Thicoipe eta Eneko Bidegain Aire. Eta idazkari lanak Mae Laskarai Laganek egin ditu.

Aiherrako herriko etxearen laguntza ukan du Bertsularien lagunak elkarteak saioa antolatzeko. Aiherrako Beltzuntze elkartea eskertu nahi dugu, ostatua eta taloak proposaturik.

Xilabak bere bidea segituko du Muskildin datorren larunbatean, abenduak 13, Posonpesenea gelan 17:00etan.

Sartzeak www.bertsosarrerak.eus loturan eskura daitezke.