Julio Soto Ezkurdia

Kale-saltzaileak dira Oihana eta Julio. Tabernaz taberna ibili dira salgaiak gainean zituztela. Atseden hartzeko, banku berean eseri berri dira, elkarren ondoan.

Erizainak dira Julio eta Agin. Gaur Aginek Juliori atera behar zion odola. Zortzi aldiz ziztatu du, baina ez du lortzen zainak aurkitzea.

Nola senda liteke / bihotzeko mina?
Mina ematen badu / ez da maitasuna
Harremanak zaintzea / garrantzitsuena

Julio semea eta Unai aita dira. Hauen auzoan lapurreta ugari izan da azkenaldian. Unai etxean lapurrak sartuko zaizkien beldur da, eta irratia piztuta uzten du etxetik ateratzen direnean.

Zure giltza-sortatik giltza ateratzen ari zara.

Julio eta Nerea mendiko erreskate-talde batean hasi dira boluntario lanean. Gaur irten dira lehen aldiz mendizale baten bila.

Pisukideak dira Nerea eta Julio. Juliok biziki maite ditu margolanak. Egongela koadroz beteta daukate, eta beste bat dakar Juliok eskuetan gaur.

Tabakoak hartu du / oso fama txarra
Zaharrek uzten dute / ta gazteak hasi
Gobernuarentzat da / negozio ona

Aktoreak dira Beñat eta Julio. Gaztetan sexu-erasoak jasan zituzten, baina ez zituzten salatu. Gaur Juliok Beñati esan dio publikoki salatzeko asmoa duela.

Zure ibilbideko unerik onenean zaude. Zure jarduna uztea erabaki duzu.

Kuadrillakoak edo lagun-talde berekoak dira Jone eta Julio. Lehenengoz, lagun bat ezkontzera doa eta ezkontza handi bat antolatu du. Jone desiratzen dago eguna iristeko. Julio ez da ezkontzara joanen.

Juliok urteak daramatza uda zein negu egunero itsasoan bainua hartzen. Gaur, lehen aldiz, Agin ikusi du hondartzan. Uretara sartu nahi eta ezinean dabil.

Anaiak dira Igor eta Julio. Hauen gurasoak oporretara joan ziren, eta etxean bakarrik geratu ziren biak. Astebete pasatu da, eta etxea hankaz gora dago. Gaur itzuliko dira gurasoak.

Duela bortz urte iritsi ziren Euskal Herrira Julio eta Maialen. Orain arte ezin izan dute beren egoera erregularizatu. Gaur lortu dituzte paperak.

Gezurra erran duzu, baina merezi izan du.