Bertsozale.eus Bertsozale Elkartea

Haurtzaindegi zerbitzua eskainiko da finalean

2017/12/04
Bertsozale Elkarteak BECen atonduko duen haurtzaindegi zerbitzua baliatzeko, ezinbestekoa izango da aurrez izena ematea; abenduaren 11 izango da horretarako azken eguna. Bestalde, aretora sartzeko behar bereziak dituzten zaleei aurrez antolakuntzarekin harremanetan jartzea gogorarazten zaie.

0-12 urte bitarteko haurrentzako haurtzaindegi zerbitzua eskainiko da Bertsolari Txapelketa Nagusiko finalean, beti ere gutxieneko eskari kopurua badago. Haurtzaindegia 6. pabiloian jarriko da eta saioak irauten duen bitartean egongo da zabalik: 10:45-14:15 eta 16:15-20:45 bitartean, hain zuzen.

Doako zerbitzua da baina ezinbestekoa da aldez aurretik izena ematea, izena eta adina adieraziz  helbidera idatzita. Abenduaren 11n amaituko da izena emateko epea.

Gurasoek bertan egoteko aukera izango dute eta edozein momentutan harremanetan jarri ahal izateko eskuragarri egon beharko dute.

Behar bereziak

Bestalde, aretora sartzeko, saioa segitzeko edo antolakuntzako autobusetan joateko behar bereziren bat duten pertsonek finala baino lehen harremanetan jarri behar dute antolakuntzarekin, txapelketanagusia@bertsozale.eus helbidera idatzita.

Doako zerbitzua izango da. / Gari Garaialde - XDZ