Sailkapen faseko azken hiru saioak jokatuko dira asteburu honetan Araban

2025/11/07

2026ko Arabako Bertsolari Txapelketarako sailkapen faseko azken hiru saio erabakiorrak asteburu honetan jokatuko dira Ozaetan, Bernedon eta Gasteizen. Igandean jakingo da zein bertsolari pasako diren urtarrilean hasiko den Txapelketara. Seina bertsolari izango dira saio bakoitzean, sarrerak bertsosarrerak webgunean eskuragai.

Lehen asteburuko saioak burututa, sailkapen fasea amaitzeko hiru saio falta dira, lehenengoa Ozaetan, bigarrena Bernedon eta hirugarrena igandean Gasteizen.

Ozaeta, azaroaren7an, ostirala. Hirugarren saioa izango da, 20:00etan hasiko da.

Barrundaiako udaletxean kantatuko duten bertsolariak, hurrengoak izango dira:

Unai Anda - Ametzaga
Rikardo Gonzalez de Durana - Oreitia
Hegoi Amabizka - Gasteiz
Oinatz Basabea - Gasteiz
Unai Mendibil - Amurrio
Samu Rodriguez - Gasteiz

Gai emailea Marta Ugarte izango da.

Bernedon, azaroaren 8an, larunbata, laugarren saioa izango da,18:00etan hasiko da.

Bernedoko polibalentean kantatuko duten bertsolariak, hurrengoak izango dira:

Eli Zaldua - Gasteiz
Martin Abarrategi -Aramaio
Irati Anda - Gasteiz
Manu Bendala - Sevilla-Sarria
Aitor Najera - Zalduondo
Igancio Trojaola- Gasteiz

Gai emailea Ada Bier izango da.

Eta azken saioa Gasteizen, azaroaren 9an, igandea, 18:00etan hasiko da.

Izaskun Arrue kulturgunean kantatuko duten bertsolariak, hurrengoak izango dira:

Ekaitz Samaniego - Gasteiz
Felipe Zelaieta - Mallabia-Gasteiz
Andere Arriolabengoa - Aramaio
Iñaki Cabeza - Amurrio
Iraide Onaindia - Aramaio
Markel Yoller - Ilarduia

Gai emailea Oier Suarez izango da.

10 bertso puntuagarri izango dituzte bertsolariek, ondorengoak:
Binaka, gaia emanda, hiruna bertso zortziko handian.
Binaka, gaia emanda, hiruna bertso zortziko txikian.
Bakarka, hasierako puntua emanda, bertso bina zortziko txikian.
Bakarka, gaia emanda, bertso bina neurri librean.