Oihana Iguaran Barandiaran

Gurasoak zarete. Zuen umea une oro non dagoen jakiteko, zuk, Oihana, GPSdun erloju bat oparitu nahi diozu. Amaiak, ordea, ez.

Oporretara elkarrekin joateko plana egin duzue, eta hegazkinean bidaiatuko duzue. Maletarik ez fakturatzea erabaki zenuten. Oihana, Gurruk eskatu dizu bere gauza batzuk zure maletan sartzeko, ez duela lekurik eta.

Herriko parkean zaudete. Jendeak ohitura du bertako putzuan dagoen ama birjinari dirua botatzeko. Gaur ere txanpon mordoa pilatu da.

Duela urtebete alargundu zineten biok. Nerea, gaur Oihana etorri zaizu esanez bakarrik ere asmatu duela bizimodu berri bat egiten.

Famatua zara. Bada urte-erdi inork ez dizula deitzen elkarrizketarik egiteko.

Abokatuak zarete. Torturatzaile batek bere delitua onartu dizuen arren, epaiketan hura defendatzea erabaki duzue.

Bikotea zarete. Proba egiteko, zuen datuak sartu dituzue ligatzeko aplikazio batean. Ehuneko bosteko bateragarritasuna duzuela atera zaizue.

Oihana gurasoa eta Jokin semea zarete. Gabon-gaua elkarrekin pasatu izan duzue orain arte. Oihana, Jokinek esan dizu aurten bikotekidearen familiaren etxera doala afaltzera.

Hegaldi luze batean abiatu berri zarete. Hiruko lerroan tokatu zaizue. Pasillo aldean dagoenak lo hartzeko pastilla hartu du, eta lo geratu da berehala. Zuen aulkitik altxatu ezinda zaudete.

Telefonoak jo du. Begiratu duzu, eta berriz ere zenbaki bera da.

Bikotea zarete. Eskiatzera joan nahi duzue, baina ez daukazue dirurik. Zuk, Beñat, gurasoei eskatu nahi diezu dirua. Oihanak, ez.

Lagunak zarete. Kuadrillan EGUNEAN BEHIN aplikazioko taldea daukazue. Oihana, Anek ia beti hamar erantzunak asmatzen ditu. Gaizki pentsatzen hasita zaude.

Postalak. 1. Jasotzen genituen / eskuz idatzita 2. Kostata heltzen ziren / behar zen lekura 3. Whatsappek baino xarma / gehiago zeukaten

Pailazoak zarete. Oholtza izkinatik, aretoa pixkanaka betetzen ari dela ikusten duzue.

Bikotekide atzerritarra duzu. Oporrak dituzuen aldiro, haren familia bisitatzera joan behar izaten duzue.