Iñigo Mantzizidor Larrañaga

Enpresa bereko bi kide zarete. Hirurogeita bat urte bete berri dituzue, eta enpresak aurrejubilatzeko aukera eskaini dizue. Zu, Mantxi, prest zaude eskaintza onartzeko. Maialen, ordea, ez.

Elkarrekin parrandan atera zarete. Goizeko ordu txikietan hondartzara joan zarete bainu bat hartzera. Uretatik ateratakoan, ez dituzue zuen gauzak topatzen.

Umeen gizentasuna. 1. Haurren gizentasuna / gora eta gora 2. Guk izan behar dugu / umeen eredu

Lagunak zarete. Mantxi, Ibanek uste du bikotekideak mezu gehiegi bidaltzen dizkizula eta kontrolatu egiten zaituela.

Kartzelazaina zara. Eguneko lanaldia bukatuta, irribarrez zoaz etxera bidean.

Kimioterapiaren ondorioz, ilea galdu duzue biok. Zuk, Mantxi, ileordea janzten duzu kalera ateratzeko. Alaiak, ordea, nahiago du ileorderik ez erabili.

Amaia alaba eta Mantxi aita zarete. Amaia, Mantxik argazkia atera dizu zahartzaroa aurreikusten duen aplikazioarekin. Beraren oso antzeko itxura ikusi diozu zeure buruari.

Herriko parkean zaudete. Jendeak ohitura du bertako putzuan dagoen ama birjinari dirua botatzeko. Gaur ere txanpon mordoa pilatu da.

Senideak zarete. Gurru, oporretara joan ahal izateko, lehen aldiz, aita hamabost egunerako zahar-etxe batera eramatea proposatu dizu Mantxik.

Famatua zara. Bada urte-erdi inork ez dizula deitzen elkarrizketarik egiteko.

Taberna bat daukazue elkarrekin. Zuen taberna ezaguna da nerabeek lehen parrandak bertan egiten dituztelako. Oso gaztetxo direla mozkortzen diren arren, berdin jarraitzeko asmoa duzue.

Herri-lurretan, baratzea jarri berri duzue elkarren ondoan. Zuk, Amaia, ilargiaren arabera egiten dituzu baratzeko lan guztiak. Mantxiri garai bateko sineskeriak iruditzen zaizkio horiek.

Historiako irakasleak zarete. Zuri, Alaia, Mantxik leporatu dizu zure ideia politikoen araberako kontakizuna egiten diezula ikasleei.

Lapurrak zarete. Etxe batera lapurretara sartu, eta atera ezinik geratu zarete.

Korrika zoaz. Ezin duzu denborarik galdu.