Haritz Mujika Lasa

Zuen 10 urteko alaba sexuaz galdezka etortzen denean, zuk, Aratz, gaia saihesten duzu; Haritz beti agertzen da hitz egiteko prest.

Herrikideak zarete. Zuen herrian bigarren eskuko merkatua antolatzen dute hilean behin. Haritz, zuk saltzen jartzen dituzun gauza guztiak Amaiak erosten dizkizu.

Garraio publikoa. 1. Azkenekoz noiz hartu / zenuen zuk trena 2. Aukera gutxi dago / herri txikietan

Jatetxe bateko mahaian eseri zarete elkarrekin. Karta erdaraz bakarrik daukatela ikusi duzue. Felix, altxa eta beste jatetxe batera joatea proposatu dizu Haritzek.

Kazetaria zara. Zure lan-jardunean ez zara libre sentitzen.

Ardogileak zarete. Estatu Batuetako inportazio-tasa igo behar dutela eta, zu, Haritz, erabat arduratuta zaude. Unai, berriz, ez.

Iñigo, zure ezkontza-ospakizuna bukatu bezain pronto, Haritz gonbidatua etorri zaizu goseak dagoela esanez.

Anaiak zarete. Zuen amak sare sozialetan kontua irekitzeko laguntza eskatu dizue.

Enpresa berean egiten duzue lan. Zuk, Beñat, komertzial-lanetan daramatzazu hogei urte. Gaur, Haritz pertsonal-burua etorri zaizu esanez lanpostua mantentzekotan txinera ikasi beharko duzula.

Itxarongelan zaude operazioa hasteko zain. Damutu egin zara, eta alde egin nahi duzu.

Zuen semeari panpina-kotxe edo kotxe-kapota bat oparitu diote. Hori nesken jostailua dela uste duzuenez, ezkutatu egin diozue.

Zu, Jokin, goizeko seietan kiroldegira joan zara, lanera joan aurretik zintan korrika egiteko asmoz. Haritz jubilatuak aurre hartu dizu, eta okupatuta dauka zinta.

Alderdi bereko bi politikari zarete. Hauteskundeak irabazi eta boterera iritsi zineten arren, programako puntu asko ez dituzue bete. Zuri, Jon, Haritzek esan dizu berriro ez zenuketela aurkeztu behar.

Hegaldi luze batean abiatu berri zarete. Hiruko lerroan tokatu zaizue. Pasillo aldean dagoenak lo hartzeko pastilla hartu du, eta lo geratu da berehala. Zuen aulkitik altxatu ezinda zaudete.

Telefonoak jo du. Begiratu duzu, eta berriz ere zenbaki bera da.