Beñat Gaztelumendi Arandia

Zuk, Ane, gidatzen zoazenean, trafiko-arau guztiak zintzo betetzen dituzu beti. Beñatek ez.

Zu, Mikel, pilota-partida ikustera jaitsi zara tabernara. Beñat etengabe telebistaren parean jartzen zaizu eta ez dizu partida ikusten uzten.

Arropa konpontzeko negozio bat daukazue elkarrekin. Geroz eta lan gehiago daukazue azken aldian.

Kamioilariak zarete, eta sarri bidaiatzen duzue Marokora. Beñat, irabaziak gutxitu zaizkizuela eta, Marokotik haxixa ekartzea proposatu dizu Anek.

Gaur ere ondoezik zauden arren, lanera joatea erabaki duzu.

Bi gizonezko zarete. Badakizue zuen lantegian, lan bera egiteagatik, emakumezkoek baino soldata handiagoa jasotzen duzuela. Protestan hasi dira, baina zuek ez duzue bat egin protestarekin.

Hilabete pasatu duzue goitibehera egiten, herriko festetako lasterketan parte hartzeko. Ane, abiatu zarete Beñat gidari dela, eta, lehenengo bihurgunean, bazterra jo eta puskatu egin zaizue.

Beñat aita eta Amaia alaba zarete. Beñat, urteetan aurrera zoaz, eta gaur Amaiak esan dizu hemendik aurrera berak lagunduko dizula dutxatzen.

Lapurrak zarete. Etxe batera lapurretara sartu, eta atera ezinik geratu zarete.

Korrika zoaz. Ezin duzu denborarik galdu.

Urteak daramatzazue enpresa bateko zuzendaritzan lanean. Zuri, Ane, iruditzen zaizu zuzendaritzara heldutako belaunaldi berriek ez zaituztetela kontuan hartzen. Beñatek ez du halakorik uste.

Gaztelumendi eta Lizaso lagunak zarete. Zuk, Gaztelumendi, zerbait esaten duzun bakoitzean, gaia edozein dela ere, Lizasok beti gehitu behar izaten du azken hitza.

Etxeko lanak. 1. Zenbatero garbitu / ohi duzu komuna? 2. Gaur egun inork ez du / erabiltzen plantxa 3. Zenbait aritzen dira / garbia garbitzen

Pailazoak zarete. Oholtza izkinatik, aretoa pixkanaka betetzen ari dela ikusten duzue.

Langabezia-saria kobratzen daramazu urte erdia. Lan-eskaintza bat jaso duzu, baina langabezia-saria baino gutxiago kobratuko duzu.

Urruneko planeta bateko biztanleak zarete. Zuen planeta suntsitzear dela eta, bizitzeko toki baten bila, Lurrera iritsi zarete. Zuri, Agin, planeta egokia iruditzen zaizu zuen espeziea bizitzeko. Beñat ez dago horren ziur.

Realaren eta Barçaren arteko partida ikustera etorri zareten bi futbolzale katalan zarete. Nahastuta, Anoetara joan beharrean, Illunbera etorri zarete.

Esan eta esan aritu arren, ez entzunarena egiten dizute.