Ane Labaka Mayoz

Hiri bateko udaltzainak zarete. Udalak hala erabakita aurrerantzean arma bana eramango duzuela jakinarazi dizuete. Zuri, Iñaki, ondo iruditu zaizu neurria. Anek, ordea, uko egin nahi dio armak eramateari.

Bizilagunak zarete. Zuk, Ane, Unai etxean ez dagoela eta, aste honetan bosgarren aldiz hartu diozu banatzaileari Unaik Amazonen eskatutako paketea. Nazkatuta, gauean txirrina jo diozu.

Autoestimua. 1. Besteen onespena / bilatzen gabiltza 2. Baloratu behar du / nork bere burua

Bikotea zarete. Kaliforniara joan zineten bizitzera gazte zinetela. Jubilatutakoan Euskal Herrira itzultzeko asmoa bazenuten ere, unea iritsi denean, zuri, Endika, han gelditzeko proposamena egin dizu Anek.

Berriro egin dituzu oposizioak. Oraingoan ere ez duzu azterketa gainditu.

Zuek biok telebista-produktora bat duzue. Zuk, Maialen, uste duzu programetara etortzen diren gonbidatuei ordaindu egin behar zaiela. Anek, ordea, ez.

Zuk, Labaka, perfumeria bat daukazu, eta Zuazubiskar bezeroa da. Dendatik irtetean, Zuazubiskarri lapurreten kontrako alarma joka hasi zaio.

Senideak zarete. Zuen anaia gazteena ikusi duzue herriko plazan gitarra jo eta dirua eskatzen.

Kamioilariak zarete, eta sarri bidaiatzen duzue Marokora. Beñat, irabaziak gutxitu zaizkizuela eta, Marokotik haxixa ekartzea proposatu dizu Anek.

Gaur ere ondoezik zauden arren, lanera joatea erabaki duzu.

Zuen lagun batek hogei urte daramatza preso. Azken urteotan, bisitarako boluntarioak urritzen ari dira, eta zuek ere gero eta gutxiago joaten zarete.

Hilabete pasatu duzue goitibehera egiten, herriko festetako lasterketan parte hartzeko. Ane, abiatu zarete Beñat gidari dela, eta, lehenengo bihurgunean, bazterra jo eta puskatu egin zaizue.

Hogei urte daramatzazue ezkonduta. Ane, Asierrek esan dizu ezkutuko harreman bat duela orain dela hamar urtetik, eta orain harekin joatea erabaki duela.

Bi segundoan irekitzen den kanpin-denda bildu ezinik ordu-erdi daramazue.

Korrika zoaz. Ezin duzu denborarik galdu.

Urteak daramatzazue enpresa bateko zuzendaritzan lanean. Zuri, Ane, iruditzen zaizu zuzendaritzara heldutako belaunaldi berriek ez zaituztetela kontuan hartzen. Beñatek ez du halakorik uste.

Lagunak zarete. Kuadrillan EGUNEAN BEHIN aplikazioko taldea daukazue. Oihana, Anek ia beti hamar erantzunak asmatzen ditu. Gaizki pentsatzen hasita zaude.

Gabonsaria edo aginaldoa. 1. Gero ta gutxiago / banatzen dituzte 2. Inork jan nahi ez ditun / polboroi ugari 3. Errigora saskia / ez da hautu txarra

Bortxaketa bat jasan duen neska gazte baten gurasoak zarete. Zuen alabaren intimitatea zaintzen saiatu zareten arren, zuen etxe atarian telebista kamera ugari pilatzen dira egunero.

Haur jaio berri baten gurasoa zara. Berarekin egoteko. urtebeteko eszedentzia eskatu zenuen. Bi hilabete pasa dira, eta lanera bueltatzeko desiratzen zaude.