Bertsozale.eus Bertsozale Elkartea

Gipuzkoa

Azkoitian jokatuko da azken final-laurdena

2019/10/29
Bukatzear dira final-laurdenak. Larunbatean jokatuko da azkena eta han erabakiko da zeintzuk izango diren finalaurrekoetan kantatuko duten bertsolariak.

Azaroaren 2an jokatuko da Gipuzkoako Bertsolari Txapelketaren bosgarren eta azken final-laurdena Azkoitiko Baztartxo Antzokian, 17:00etatik aurrera. Hurrengo seikotea ariko da kantuan:

• Beñat Gaztelumendi Arandia
• Mikel Artola Izagirre
• Ane Labaka Mayoz
• Ander Lizarralde Jimeno
• Maialen Akizu Bidegain
• Ane Zuazubiskar Iñarra

Aurkezle lanetan Ion Zaldua Brit ariko da eta epaimahaiko kideak hurrengoak izango dira: Maite Sukia Olano, Zigor Leunda Eizmendi, Amaia Otxotorena Gamio, Oihana Aranguren Etxaniz eta Mikel Beloki Urkizu. Idazkari lanetan, berriz, Gorka Segurola Dorronsoro eta Joxemari Altuna Berridi arituko dira.

Azkoitiko irabazlea zuzenean sailkatuko da finalaurrekoetara eta gainontzeko bertsolariek puntuazioaren arabera edukiko dute horretarako aukera.

Final-laurdenetako saioetan bertsolariek egin beharreko lanak honakoak izango dira:

• Binaka, gaia emanda, zortziko handian hiruna bertso.
• Binaka, gaia emanda, zortziko txikian hiruna bertso.
• Binaka, gaia emanda, sei puntuko motzean hiruna bertso.
• Binaka, gaia emanda, hamarreko txikian hiruna bertso.
• Kartzela: bakarka, gaia emanda, nahi den doinu eta neurrian, hiruna bertso.

Sarrerak salgai daude, beti bezala, www.bertsosarrerak.eus webgunean eta, aurrez agortzen ez badira, txarteldegian ere eskuratu ahal izango dira, 16:00etatik aurrera.