Jon Gurrutxaga eta Aitor Salegi nagusi Altzon eta Zaldibian

2024/05/02

Gaur Gipuzkoa Bertsotanen beste bi saio jokatu dira Altzon eta Zaldibian. Lehenengoan Jon Gurrutxaga Urbietak irabazi du, 332 punturekin, eta bigarrenean Aitor Salegi Martijak, 324punturekin. Bihar beste bi saio jokatuko dira: Orion eta Legorretan.

Gipuzkoako Bertsolari Txapelketako sailkapen faseko bigarren astean gaude. Gaur bigarren asteko lehen bi saioak jokatu dira: Altzon eta Zaldibian. Bi saioak 19:00etan hasi dira.

A multzoko saioa Altzon jokatu da, Batzarremuño eraikinean. Saioko irabazlea Jon Gurrutxaga Urbieta izan da, 332punturekin. Honela geratu da sailkapena:

Jon Gurrutxaga Urbieta ----------- 332
Eneritz Artetxe Eizagirre ---------- 327
Iker Ormazabal Ojeda -------------- 314
Manex Mujika Amunarriz -------- 308
Mikel Etxezarreta Lasa ------------ 296,5
Danel Olano Eizagirre -------------- 295

Gai-jartzaile lanetan Olatz Zuazubiskar aritu da.

Epaitzen, ostera, hauek aritu dira: Estitxu Agirre Agirre, Ion Martinez Ugarteburu, Mikel Urteaga Azkue eta Oihana Aranguren Etxaniz. Idazkari lanetan Oier Iurramendi Etxeberria ibili da.

B multzoko saioa Zaldibian jokatu da, Herri Antzokian. Aitor Salegi Martijak lortu ditu puntu gehien, 324. Hauxe saioko sailkapena:

Aitor Salegi Martija -------------------------- 324
Manu Goiogana Bengoetxea ----------- 318,5
Antton Aizpurua Aldape ------------------ 299,5
Uxue Alkorta Iturbe ------------------------- 294
Ander Zulaika Elola ------------------------- 292,5
Irati Arakistain Mendizabal ------------- 245

Gai-jartzaile lanetan Saroi Jauregi Aiestaran ibili da. Epaileak hauexek izan dira: Leire Beloki Lizarralde, Maite Sukia Olano, Mikel Lersundi Ayestaran eta Unai Muniain Caballero. Idazkari Aratz Irazustabarrena Garmendia izan da.

Aitor Salegi

Bihar dira Gipuzkoa Bertsotaneko hurrengo bi saioak: Orion eta Legorretan. Bi saioetako sarrerak agortu dira dagoeneko, beraz, ez dugu txarteldegirik irekiko.