Saio bi jokatu ziren barikuan; Taket eta Far West taldeek lortu dute finalaurrekoetara sailkatzea

Bilboko saioan Gaztetu ala hil eta Taket taldeak batu ziren. Lehenengo saioa Kalderapekon egin zuten eta Errondabiden bigarrena. Tartean, gainera, parte hartzaile denak (bertsolari, epaile, gai-jartzaile…) aritu ziren puntuka bertsotan. Lagun arteko giro goxo eta atseginean jardun zuten talde biek, beraz, umore ona ardatz hartuta.

Barikuko beste saioa Zallan izan zen Estropozu eta Far West taldeen artean. Eskualdeko taldeak, Far West taldeak, lortu zuen finalaurrekorako txartela, saio puntuagarri biren ostean. Hirugarren geldialdian, epailetzarik barik, bertsotan jarraitu zuten taldeek, taldeko kide denen parte hartzearekin kasu honetan ere, hau da, epaile eta aurkezle lanetan ibili zirenek ere egin zuten bertsotan.  

Hurrengo saioa, eguztenean bertan izango da Algortan. Gonbidatuta zaudete.