Gernika-Lumon jokatuko da bigarren kanporaketa
Mungiako saioaren ostean, Gernika-Lumon egingo du bigarren geldialdia Bizkaiko Bertsolari Txapelketak. Urriaren 8an, Lizeo antzokian jokatuko da saioa. Bertsolari hauek izango dira bertan:
- Arkaitz Zipitria Mendizabal
- Bittor Altube Sarrionandia
- Ibai Amillategi Omaetxebarria
- Iker Garitagoitia Astigarraga
- Julen Ibarguengoitia Ordorika
- Mikel Retolaza Etxebarria
Saioaren irabazlea zuzenean sailkatuko da finalaurrekoetara, Lemoakora (azaroaren 25ean). Besteek, puntuazioaren arabera izango dute horretarako aukera.
Gai-jartzaile beharretan Itxaro Juaristi Olaetxea izango da. Epaimahaiko kideak, hurrengoak izango dira: Ainhoa Arregi Elosua, Beñat Romero Maguregi, Garazi Mendoza Agirre, Graxi Arregi Leonardo, Iñaki Aurrekoetxea Arkotxa, eta Mirari Azula Aurrekoetxea. Idazkari beharretan Itziar Basterretxea Olarreaga arituko da.
Sarrerak salgai daude www.bertsosarrerak.eus atarian. Sarrerarik geratuko balitz, txarteldegia zabalduko genuke domekan bertan, 16:00etan, Lizeo antzokian.
