Bertsozale.eus Bertsozale Elkartea

Otsailak 8, Gasteiz, Errekaleor

Bazaar Xanmapelezuin eta Konde basoko iluek

Hogeita bost lagun inguru bildu ginen atzo Gasteizko Errekaleorreko gaztetxean. Bazkaldu
ostean, Aramaioko
Konde basoko Iluek eta Gasteizko Bazaar Xanmapelezuin taldeak
entzuteko aukera izan genuen.


Etxeko taldean Aroa Arrizubieta, Xabier Antia, Mikel Martin, Elisabet Zaldua, Peio
Ormazabal eta Unai Anda aritu ziren kantuan.
Konde basoko Iluek taldetik, Xabi Igoa, Paula
Amilburu, Aitor Ugarte eta Martin Abarrategi entzun genituen. Idatzizko modalitatean,
Bertxilika-ko taldekideak aritu ziren.


Idatzizkoen ostean, agurren erronda etorri zen. Bi taldeek koreografia profesionalez lagundu
dituzte beren bertsoak, entzule guztiak dibertituz, eta
Bazaar Xanmapelezuin-en agurrean
Aitor Ugarte entzuteko aukera ere izan genuen.


Giro ederraz gozatzeko aukera izan genuen, nahiz eta, Aramaioko Xabi Igoak hainbeste
aldiz errepikatu zuen bezala, hotza jardunaldiaren protagonista izan.


Amaierako agurretan, bertsolariek kopla bana bota zuten, entzuleoi “agur hotz bat” eskainiz.
Azkenean,
Konde basoko Iluek taldeak irabazi du. Ziurrenik, epaileek talde gasteiztarraren
izena ikustean egin zuen erabakia. Azken finean, Aitor Ugartek hasierako agurrean esan
zuen, izena zortzi aldiz irakurrita ere zinezkoa da ikastea.

 

Hau da Bertxilika bertso eskolako kideek prestatutako bertso sorta:

Doinua: Amaren bularra

DENOK BATERA GAUDE GU,

HAINBAT PERTSONAI

LAGUNTASUNA DA TA

BERTSOEN ESANAHI

HAINBAT KAS LITRO EDAN

TA BUKATU ALAI

EZ DAUKAGU LISKARRIK

LAGUNTASUNA BAI

 

EGUZKIA BADAGO

JOAN PARKERA KONTUZ

AURKITUKO GAITUZU

GU PRADOAN KANTUZ

UNE_ASKO ELKARREKIN

TA_ORAIN GOGORATUZ

BAINA BIZI DITUGU

DENAK ERRESPETUZ

 

GOGORATZEN AL ZARA

ANTZERKIARENAZ?

ONDO GOGORATZEN NAIZ

UME MOKOENAZ

MOZORRATUZ IDEIAK

BERTSORA_ERAMANAZ

ONDO PASA GENUEN

BARREZ TA ALGARAZ

 

AHAL DUGUN GUZTIETAN

GABILTZA SAIATZEN

BERTSOAK EGITEAN

HOBETO KANTATZEN

GURE ARTEAN BETI

DOINUAK PASATZEN

ELKAR LAGUNTZEN DUGU

ERRIMAK TXIBATZEN

 

 

ZER DA GARRANTZITSUA

ZUEI ESKATZEA?

GURE_ARTEAN JOLASTUZ

BERTSOAK LANTZEA

HORRELA NAHIKO NUKE

HONEK JARRAITZEA

BETI GARENA IZAN

TA EZ ALDATZEA

 

Doinua: Esne saltzailearena

IZEI MIOPE HUTSA

HORI ARGI DUGU (BIS)

TA SAMU KANPANDORRE

HANDIA DAUKAGU

HEGOIK EZ ISILTZEA

HORI DU HELBURU

IRATI BESO GABE

EZ HANKA EZ BURU

ARETXEN AURPEGIAK

TXISTEA IA BADU

EZBERDIN IZAN ARREN

BERDINAK GARA GU

Argazkiak

Argazki gehiago

Albisteak

Kuadrillartekoaren hirugarren asteburuak bazterrak berotu ditu

Kuadrillartekoaren hirugarren asteburuak bazterrak berotu ditu

2020/02/10

Kuadrillarteko 3. asteburuko 4 saioak burutu ostean, azken eta erabakigarria izango den hurrengo asteburuko 3 saioei begira da liga. Lau saio joikatu dira Gasteizen, Kakiturrin, Gaztetxean, Errekaleorreko Gaztetxean eta Mendiolan. Asteburuko hotz-beroak kendu zituzten bertsolarien doinu eta errimekin. Kakiturriko Gladioloreak (Gasteiz), Muinoko Katuak Resurrection (Gasteiz), Konde Basoko Iluek (Aramaio) eta Sumendiola bete poto (Gasteiz) taldeak izan dira garaile saioetan. Azken hau, A ligako garaile izan da eta beraz finalaurrekoetarako txartela lortu du, Agurainen kantatuko dute datorren otsailaren 29an.

Kuadrillartekoaren hirugarren asteburuak bazterrak berotu ditu - Gehiago irakurri

Kuadrillartekoko 4 saio Gasteizen

Kuadrillartekoko 4 saio Gasteizen

2020/02/06

Lehen faseko hirugarren eta azkenaurreko asteburuan, lau saio jokatuko dira Gasteizen, Kakiturri Elkartean, Gaztetxean, Errekaleorreko Gaztetxean eta Mendiolako Etxe Zaharra Elkartean.

Kuadrillartekoko 4 saio Gasteizen - Gehiago irakurri

Arabako Bertso Kuadrilla arteko Txapelketa martxan dago

Arabako Bertso Kuadrilla arteko Txapelketa martxan dago

2020/01/18

Larunbatean, bat-bateko taldeen ordezkariek eta Arabako Bertsozale Elkarteak Arabako Bertso Kuadrillarteko Txapelketa aurkeztuko zuten Aramaion. Txapelketa formatua edukiko du 2020ko edizioak. Guztira 280 parte hartzailetik gora.

Arabako Bertso Kuadrilla arteko Txapelketa martxan dago - Gehiago irakurri

Fitxa

Eguna
2020/02/08
Ordua
14:00
Mota
Sailkapena
Herria
Gasteiz
Tokia
Errekaleor gaztetxea