Bertsozale.eus Bertsozale Elkartea

Araba

Otsailak 7, Gasteiz, Gaztetxea

Muinoko katuak resurrection eta Lautadako ahuntzak 

D ligako bigarren saioa burutu da Gaztetxean. Etxeko taldea Muinoko Katuak Resurrection izan da eta gonbidatuak Zalduondotik etorri diren Lautadako Ahuntzak (belarri eta guzti). 21:00ak aldera batu gara 60 lagun afalorduan eta barneko hotza giro paregabearekin berotu dute bertsolariek. Izan dugun afari goxoak ere zerikusia izan du giroan, eta nola ez kopak! Gaztetxera hurbildu garen guztion poz nagusiena Ekaitz Samaniego gure artean egotea izan da! Ongi etorri Ekaitz!

Maialen Kortabarria ibili da gai jartzaile lanean, beti bezain fin. Saio honetan idatzizko modalitatean bi talde izan ditugu; lehenik Palmondo Tristeak aritu dira: 10 bat lagun Gaztetxeko eszenatokira mozorrotuta igo dira gitarra baten laguntzaz, haien artean Ekaitz. Gaztetxeko gazteek haiei buruzko hainbat bertso sorta kantatu dituzte, eta erritmoa jarri diote batak besteari botatako “pullita” bakoitzari. Bigarrenik, Amaia zentroko bertso eskolako lagunak izan ditugu: hiru promesa gazte Ander Solozabalen gitarraren laguntzaz. Muinoko katuak izan dituzte jopuntuan eta Bidelapurraken Harraparia abestiarekin abestu dute.

 

Bat bateko saioari dagokionez, etxeko taldea hasi da agurrarekin; zazpi “gazte” mitikoz osatutako taldea, Maialen Saez de Okariz, Amaia Lasaga, Maite Solozabal, Uxue Ruiz de Arkaute, Iñaki Viñaspre, Ekaitz Samaniego eta Ander Solozabal. Aspaldiko kontuak ekarri dituzte gogora, adibidez, nola printzipaletik behera jausi zitzaien behin bonboa. Haiek argi utzi dute Lautada garaitzea erraza dela eta horrela hasi zen inoiz banandu ez diren katuen resurrekzio gala. Lautadako 4 ahuntz etorri dira: Oihane Perea, Aitor Najera, Markel Yoller eta Irati Anda. Katuek bezala doinuarekin mozorrotuta eta koro eta guzti, natural-natural ibili dira beste taldekideei buruz solasean, barre algarak sorrarazi dituzte.

Hurrengo ariketetan egun pil-pilean dauden gaiak jorratu dira: Iñaki eta Irati greba orokorrari buruz eta jada hildako 14 langilei buruz aritu dira. Bestetik, Oihane eta Ander politikari bihurtu dira eta haien buruak lehendakaritzara aurkeztu ondoren telebistako debate saio batean murgildu ditu gaiak. Lau oinak emanda Uxue eta Markel ibili dira; biek oso airoso gauzatu dituzte bertsoak. Aitorrek eta Maitek zortziko nagusian bertso bana sortu behar izan dituzte. Biak gauarekin lotuta, “etxetik irten eta berriro / liatu naiz gaur gauean” amaierarekin Aitorrek ostegun gauak ekarri ditu gogora eta Maitek aldiz, “gauak, kaleak gureak dira / ozen esan ahal dugu” bukaerarekin, emakumeen indarra goraipatu du.

Kopletako saioa Beñat Goitiak gitarraz lagunduta etxeko taldeak hasi du eta bertan Ekaitz, Amaia eta Uxue ibili dira kantuan, bertsoez kokotaraino dauden gaztetxeroak izanik. Lautadako Irati, Aitor eta Oihane ahuntzak bertxokotarrak izan dira eta euren ezizenak bilatzen aritu dira. Oihanek argi du berea “Nik dut barrena gorria, puntua ondo jarria ni izango naiz irratsaioko amona mantangorria”.

Epaileek euren lana bete bitartean agurrak bota dituzte. Kanpoko taldeak, gitarra izan du bidelagun berriro ere “No woman no cry” doinuaren, publikora bideratu dituzte eskerrak eta Ekaitzen ongi etorria eta beste taldeko emakumeen birsortzea goraipatu dute. Muinoko katuen azken agurra Maitek bota du, hunkigarria izan da eta barneko oroitzapenetik abiatu da, “bidea bizi eta gozatu nahi duzuena izaten” esaten amaitu da bertso saioa. Puntuazioak batu ondoren, irabazlearen izena esan du Maialen Kortabarriak, ZORIONAK MUINOKO KATUAK RESURRECTION!

 

Hau da Palmondoko tristeak taldeko kideek prestatutako bertso sorta:

Bertxiokoa:

A ze kuadrilla ederra

benetan zuri eskerra

huts egiten ez  duena, zaintza lanetan liderra

zaintza lanetan liderra

a ze kuadrilla ederra

 

Ez da ezagutzen gerra                                                 

kariñoa ta plazerra                                                      

bake eztanda bateko, bizikidetza kraterra                  

bizikidetza kraterra 

ez da ezagutzen gerra

 

Kuadrilla idilikoa

dugu gure artekoa

elkar zaintzen duena ta 

gatazkarik gabekoa

 

poteorako botea

jai orotako trantzea

latza da norbait harekin, joan dela ikustea

joan dela ikustea

jai orotako trantzea

 

Amaia azpisugea

ebasle bihozgabea

ohitura du diru hori tabakotan gastatzea

tabakotan gastatzea

ebasle bihozgabea

 

(Amaiaren rapa)

Azpisuge naizela duzue esaten

Botea behin eraman baitnuen

Baina gauza bat esan behar dizuet

Gutxienez ez nago beti ausente

Gainera tabakoa badut erosten

Gero guztiekin dut konpartitzen

 

Kuadrilla idilikoa

Dugu gure artekoa

Elkar zaintzen duena ta

Gatazkarik gabekoa

 

Xabier zu honezkero

Inork ez zaitu espero

Desagerturik baitzaude, maitemindu eta gero

Maitemindu eta gero

Inork ez zaitu espero

 

(“Besame mucho")

Besame,
Besame mucho
Como si fuera ésta noche
La última vez

Besame, besame mucho
Que tengo miedo a perderte
Perderte después

 

Hiru urtean behin edo

zatoz umeekin ero

Gainera gu juergan gaude haiekin zatozenero

Haiekin zatozenero

Hiru urtean behin edo

Kuadrilla idilikoa

dugu gure artekoa

elkar zaintzen duena ta 

gatazkarik gabekoa

 

Larraitz da oso lasaia

Baina iristean jaia

Lauzpabost trago hartuta

Berehala da on fire

Berehala da on fire 

Larraitz da oso lasaia  (denok eskuekin keinu ironikoa)

(Larraitz is on fire, beti beti  beti beti Larraitz is on fire)

 

Igual ez da bere nahia

Baina Larraitz ! vaya, vaya!

Laster ateratzen ditu

Labana ta igitaia

Labana ta igitaia

Igual ez da bere nahia…

 

Kuadrilla idilikoa

dugu gure artekoa

elkar zaintzen duena ta 

gatazkarik gabekoa


Jendez gainezka kantoia

Behera dihoa goia

Liatzen ikusi orduko laguna ta neska ohia

Laguna ta neska ohia

Behera dihoa goia

 

Sexu-askearen sasoia

Anderrek segi gidoia

Oso modernoak gara baina zelako kabroia

baina zelako kabroia

sexu-askearen sasoia

(“Tengo una debilidad”)

Tengo una debilidad
Hay que calamidad
Mi vida es un disgusto

Tengo una debilidad
No sé que pasara
Si no me doy el gusto

 

Kuadrilla idilikoa

Dugu gure artekoa

Elkar zaintzen duena ta

Gatazkarik gabekoa

 

Erakunde elitista 

kanpokoentzat itxita

Ezin gauza ona izan, diskriminatzen hasita

Diskriminatzen hasita

Erakunde elitista

 

Tradizioei harrika

hasteko dugu irrika

Koadrilla abolitzeko, noiz jarriko dugu zita 

Noiz jarriko dugu zita

Tradizioei harrika

 

Ez da hain idilikoa

Kuadrilla bionikoa

Maitasuna badauka ta

Baita ere gorrotoa

 

Ez da hain idilikoa

Kuadrilla bionikoa

Maitasuna badauka ta

Baita ere gorrotoa



Argazkiak

Argazki gehiago

Albisteak

Kuadrillartekoaren hirugarren asteburuak bazterrak berotu ditu

Kuadrillartekoaren hirugarren asteburuak bazterrak berotu ditu

2020/02/10

Kuadrillarteko 3. asteburuko 4 saioak burutu ostean, azken eta erabakigarria izango den hurrengo asteburuko 3 saioei begira da liga. Lau saio joikatu dira Gasteizen, Kakiturrin, Gaztetxean, Errekaleorreko Gaztetxean eta Mendiolan. Asteburuko hotz-beroak kendu zituzten bertsolarien doinu eta errimekin. Kakiturriko Gladioloreak (Gasteiz), Muinoko Katuak Resurrection (Gasteiz), Konde Basoko Iluek (Aramaio) eta Sumendiola bete poto (Gasteiz) taldeak izan dira garaile saioetan. Azken hau, A ligako garaile izan da eta beraz finalaurrekoetarako txartela lortu du, Agurainen kantatuko dute datorren otsailaren 29an.

Kuadrillartekoaren hirugarren asteburuak bazterrak berotu ditu - Gehiago irakurri

Kuadrillartekoko 4 saio Gasteizen

Kuadrillartekoko 4 saio Gasteizen

2020/02/06

Lehen faseko hirugarren eta azkenaurreko asteburuan, lau saio jokatuko dira Gasteizen, Kakiturri Elkartean, Gaztetxean, Errekaleorreko Gaztetxean eta Mendiolako Etxe Zaharra Elkartean.

Kuadrillartekoko 4 saio Gasteizen - Gehiago irakurri

Arabako Bertso Kuadrilla arteko Txapelketa martxan dago

Arabako Bertso Kuadrilla arteko Txapelketa martxan dago

2020/01/18

Larunbatean, bat-bateko taldeen ordezkariek eta Arabako Bertsozale Elkarteak Arabako Bertso Kuadrillarteko Txapelketa aurkeztuko zuten Aramaion. Txapelketa formatua edukiko du 2020ko edizioak. Guztira 280 parte hartzailetik gora.

Arabako Bertso Kuadrilla arteko Txapelketa martxan dago - Gehiago irakurri

Fitxa

Eguna
2020/02/07
Ordua
21:00
Mota
Sailkapena
Herria
Gasteiz
Tokia
Gaztetxea