Bertsozale.eus Bertsozale Elkartea

Araba

Kuadrillartekoa Gasteiz eta Zalduondon jokatuko da

2020/02/01
Kuadrillartekoko lehen faseko 2 saio jokatuko dira asteburuan, Gasteizen eta Zalduondon

Asteburu honetan,bi saio burutuko dira zapatuan. Hauexek:

Otsailak 1, larunbata, Zalduondoko Zeledon Toki Elkartean, D ligako saioa: Lautadako ahuntzak (Zalduondo) VS Gorbeialdeko azkenak (Zuia-Urkabustaiz). Bazkaria izango da eta 14etan hasiko da. Idatzizko modalitatean: Zalduondoko Bertso Eskola

Otsailak 1, larunbata, Gasteizko Errexala Elkartean, B ligako saioa: Errexala (Gasteiz) VS Sumendiola Bete Poto (Gasteiz). Afaria izango da eta 21:00etan hasiko da. Idatzizko modalitatean: Iparraldeko Bertso Lantegiko Bertso Eskola

Arabako Bertso Kuadrillarteko Txapelketa urtarrilaren 24an abiatuko da eta martxoaren 28an bukatuko da, Murgiako Palatu kirol eremuan. 

Kuadrillartekoarekin Arabako bertso mugimendua bultzatu, indarberritu eta ikusarazi nahi da. Parte hartzaile guztien txapelketa izango da hau, lehia baino gehiago, gozamena izango du ardatz, guztiaren oinarria auzolana delako.

Arabako Bertsozale Elkartearen funtzioa koordinazio orokorra eta saretze lana izango da. Antolatzaileak txapelketan parte hartuko duten 12 taldeak dira. Bertsogintzako arlo teknikoan Arabako gai jartzaile taldea, epaile taldea eta Elkarteko lan taldearen laguntza izango dute.

Talde bakoitzak gutxienez 10-13 partaide izango ditu: gai jartzailea, epailea, hiru-sei bertsolari, kronikagilea, argazkilaria, musikariak, sukaldariak.

Kuadrillartekoak hiru fase izango ditu:

  • Lehen fasea: urtarrilaren 24tik otsailaren 15era arte eta taldeak 4 ligatan banatu dira. Hiru taldeko lau liga ezberdinetan banatuak. Liga bakoitzetik talde bakarra sailkatuko da hurrengo fasera eta 2 sailkapen orokorraren arabera.
  • Finalaurrekoak: otsailaren 29an Agurainen, martxoaren 7an Aramaion eta martxoaren 14an Amurrion izango dira. Bakoitzean bi talde ariko dira lanean eta saio bakoitzaren irabazlea sailkatuko da finalera.
  • Finala: martxoaren 28an izango da, Murgiako Palatu kirol eremuan.

Saio guztietan, beste 16 bertso sorta taldeak arituko dira. Bertsoak aurretik prestatuta eta kantatuko dute lehengo faseko eta finalaurreko saioetan. 3 bertso sorta aukeratuak finalera pasako dira, martxoaren 28an Murgian.