Bertsozale.eus Bertsozale Elkartea

Urtarrilak 27, Oion

Arabar Errioxako Txandriotarrak eta Gasteizko Katuko Muinoak

 Txandrio bertso eskolak antolatuta urtarrilaren 27an arratsaldeko 7 eta erdietan hasiera eman genion 2023ko Arabako Kuadrilla arteko txapelketako E ligako lehen saiora. Bertso saioa Oiongo Bazterra aretoan izan zen eta hauek izan ziren protagonistak: Orlando Arreitunandia, Pello Artetxe, Unai Bengoetxea, Eñaut Insausti, Iker Olabarrieta eta Beñat Otamendi txandriotar kamixeta-urdinen partetik, eta Xabier Antia, Ekaitz Samaniego, Iñaki Viñaspre eta Eli Zaldua kamixeta-berde muinotarrak. Gaiak Idoia Maraurik bideratu zituen. 

Bertso saio “klasikoa” izan zen eta aretoan 50 entzule inguru elkartu ginen, bestalde, ez dago soberan esatea asko disfrutatu genuela entzun genituen bertsoekin. Arabarrak ez ezik Gipuzkoa eta Nafarroa aldeko zaleak  ere hurbildu zitzaizkigun.

Bertsolarien agurrak mundialak izan ziren, umoretsuak batez ere eta musikaz lagunduta.  Horiek entzun eta gero “Harrobi” taldeak kantatu zuen bertso sorta. Bertsolariek sortutako koplak ziren eta haien seme-alabek bere laguntxoekin (5-11 urte bitartekoak) kantatu zituzten. Oso hunkigarria izan zen gurasoen zaletasunaren proiekzioa San Bizente ikastolako haurrengan sentitzea.

Saioa polita izan zen eta bertsolari guztiek bere onena eman zuten momentu dibertigarri eta ahaztezinak eskainiz. Puntoa Gasteiz aldera joan zen, hala erabaki batzuten Mikel Fz. de Arroiabe, Ainhoa Aizpuru eta Oier Iñurrieta epaileek.

Lehenengo lan eta gero jan, beraz bertsoak eta gero afaria etorri zen.  30 lagun baino gehiago elkartu ginen Azkenak elkartean, ohitura dugun bezala. Giro aparta izan genuen eta ordu txikiak arte egon ginen super-gustora bertsoaren babesean. Eskerrik asko eta hurrengoaren zain geratzen gara.

Txandrio bertso eskolaren bertso sorta:

Doinua: Ama begira zazu.

 

Kaixo ongi etorri

Oiongo herrira

hamaika begi daude

gugana begira

lai, lai, larai, gugana begira!

 

Guk orain kopla hauek

nahi ditugu bota

gehiago nahi ezkero

jarraitu txaloka 

lai, lai, larai, jarraitu txaloka!

 

Saio hau eta gero

dugu merendola

enpanada, tortilla

eta coca-cola

lai, lai, larai, eta coca cola!

 

Araban bertsogintzan

harrobia gara

Gora Txandrio eta

arurrera euskara

lai, lai, larai, aurrera euskara!

 

Argazkiak

Argazki gehiago

Albisteak

Giro bikainean joan da 2023ko Arabako bertso kuadrilla arteko ligako lehen asteburua

Giro bikainean joan da 2023ko Arabako bertso kuadrilla arteko ligako lehen asteburua

2023/01/31

Aurrekoan ostiralean hasi zen 2023ko Arabako Bertso Kuadrilla Arteko Txapelketa. Lehen faseko 4 saio jokatu ziren: bi Gasteizen, Oionen eta Laudion. Giro ederra eta umore printzaz beteak igaro dira lehen saioak. Lehen garaileak Bertxilika (Gasteiz), Beeeeeertsolariak (Lautada), Katuko muinoak (Gasteiz) eta Izena pentsau bida (Aramaio) taldeak izan dira.

Giro bikainean joan da 2023ko Arabako bertso kuadrilla arteko ligako lehen asteburua - Gehiago irakurri

Gasteiz, Oion eta Laudiok emango diote hasiera Kuadrillartekoari

Gasteiz, Oion eta Laudiok emango diote hasiera Kuadrillartekoari

2023/01/25

Gasteiz, Oion eta Laudion jokatuko dira 2023ko Arabako bertso Kuadrilla arteko txapelketako lehen faseko lehen lau saioak.

Gasteiz, Oion eta Laudiok emango diote hasiera Kuadrillartekoari - Gehiago irakurri

Maeztun abiatu da Arabako bertso kuadrilla arteko txapelketa

Maeztun abiatu da Arabako bertso kuadrilla arteko txapelketa

2023/01/14

Maeztun elkartu ziren larunbatean Arabako Bertso Kuadrillarteko Txapelketan parte hartuko duten bat-bateko taldeen ordezkariak. Maeztun aurkeztu dute Kudrillek eta Arabako Bertsozale Elkarteak txapelketaren zazpigarren edizioa. Guztira 280 parte hartzailetik gora.

Maeztun abiatu da Arabako bertso kuadrilla arteko txapelketa - Gehiago irakurri

Fitxa

Eguna
2023/01/27
Ordua
19:30
Mota
Final laurdenak
Herria
Oion
Tokia
Bazterra aretoa