Amets Arzallus Antia

1983. urtean jaio zen. Hendaiarra, egun Saran bizi da. Lanbidea: bertsularia, kazetaria eta idazlea. Hendaiako bertsu eskolan ibilitakoa da, ikasle hasieran, erakasle gero. 2013ko Bertsolari Txapelketa Nagusia irabazi zuen eta xapeldunorde izan zen 2009an; 2005etik final guztietan aritu da. Nafarroako Bertsolari Xapelketan, lau (4) xapel jantzi zituen (2000, 2001, 2002, 2003). XILABA xapelketan hiru aldiz xapelduna izan da (2008, 2010, 2012), eta behin xapeldunorde. Aurtengoa, bosgarren partehartzea izanen du.

Argitaratutako liburuak:

Txomin Txuekarekin batera, Illimani: Boliviako izpiak eta hizkiak (2006 Argia).

Ibrahima Balderekin batera, Miñan izeneko eleberria (2019 Susa).

Biografia osoa BDBn

Saioak

Bertsoaldiak

Urriak 9 - Gabadi

Maindi Murua Berra, Amets Arzallus Antia 8ko nagusia Maindi eta Amets irratiko esatari izan zarete 40 urtez, gaur duzue laneko azken eguna. Biak antenan zirezte. Maindi hasita, 3na bertsu 8ko handian.
Amets Arzallus Antia, Johaine Sarraillet 8ko txikia Amets eta Joaine elkarrekin bilkura zinuten, baina Joainek joaterik ez duela erran dizu azken puntan. Etxera sartzeko momentuan Joaine gurutzatu duzu, onddoz beteriko saskia eskutan duela. Amets hasita, 3na bertsu 8ko ttipian.
Amets Arzallus Antia Puntuari erantzunak (doinua: xarmegarria zira...) .- 1) Ultraeskuina gero eta harroago... 2) Historia ez dea errepikatuko?
Egoitz Zelaia, Amets Arzallus Antia 10eko txikia Egoitz eta Amets aita semeak zirezte. Egoitz, 60 urte dituzu eta beti lan berdinean aritua zara, zailtasunak dituzu Amets ulertzeko. 30 urteko zure semeak bizpahiru urte guziz lanez aldatzen du. Egoitz hasita, 3na bertsu 10eko ttipian.
Amets Arzallus Antia Kartzela Huna zoin duzun bi bertsu, gehienez 10eko haundian kantatzeko gaia: Ttipitandik norbaitekin maitemindua zira. Pertsona hori kurutzatu duzu eta berrikitan berexi dela erran dizu.

Urriak 16 - Maule

Maddi Sarasua Laskarai, Amets Arzallus Antia 8ko nagusia Aurhideak zizte. Berriki jakin duzie, xahar etxean den zien amatxi maitemindu dela. Maddi hasirik, 3na bertsu 8ko handian.
Amets Arzallus Antia, Kerman Diaz 8ko txikia Zuen sukalde berrituan zizte. Hain da ederra! Kerman, otorduak prestatzen gozatzen zira. Amets, sukaldea ez hondatzeko, ahal bezain gutti erabiltzen duzu. Amets hasirik, 3na bertsu 8ko ttipian.
Maddi Ane Txoperena Iribarren, Amets Arzallus Antia 10eko txikia Zientzilari zonbaitek iragarri dute gerora mamuten berpizteko ahalmena izanen dela. Maddi Ane, ilusio handiz hartu duzu berria. Amets zuri, arrangura piztu dizu. Maddi Ane hasirik, 3na bertsu 10eko ttipian.
Amets Arzallus Antia Kartzela Hona beraz zure lehen püntüak. 1) Marra margotua da, gainditu ezina… 2) Oztopoa ez al da gure buruetan? Hona orai, nahi düzün doinü eta neurrian, bi bertsu kantatzeko gaia: Hainbat hilabetez muga fisikoki hetsia ikusi duzu. Batzuen arrangura, ezantza eta tabakoa ezin erostearena izan da. Baina zurea, sakonagoa da.

Azaroak 13 - Donibane Lohizune

Amets Arzallus Antia Hasierako agurra
Odei Barroso Gomila, Amets Arzallus Antia 8ko nagusia Surflariak zirezte. Uhain artifizial eraikitze proiektuak badira han hemenka eta horrek zalantza sortzen dizue. Odei hasita, 3na bertsu 8ko handian.
Amets Arzallus Antia, Maddalen Arzallus Antia 8ko txikia Lagun batek prestatu etxean zirezte bakantzetan zuen haurrekin. Amets oraintxe atxeman dituzu haurrak pareta margotzen ari eta Maddalen horien filmatzen. Amets hasita, 3na bertsu 8ko ttipian.
Amets Arzallus Antia Puntuari erantzunak (Haizeak bidali du).- 1) zinegin festibalak aurten hamar urte... 2) euskal zinema eta kalitatezkoa... 3) euskarak aski leku al du herri huntan?
Maddi Ane Txoperena Iribarren, Amets Arzallus Antia 10eko txikia Txertatzea errefusatu ondotik lana galdu duzue. Amets zuk gaizki bizi duzu egoera, bainan Maddi Ane, zuk hortan aukera berri bat ikusten duzu. Maddi Ane hasita, 3na bertsu 10eko ttipian.
Amets Arzallus Antia Kartzela Hauxe da nahi duzun neurri eta doinuan 3 bertsu kantatzeko gaia: Orain arte, besteen begiradak arranguratu izan zaitu.
Miren Artetxe Sarasola, Amets Arzallus Antia Sei puntuko motza Bi estralurtar zirezte Lurra planetari begira. Irriz karkailaka hasten zirezte. Miren hasita, hiruna bertsu 6ko motzean.
Amets Arzallus Antia, Miren Artetxe Sarasola 8ko txikia Autoarekin basahuntza jo duzue. Seko hil da. Hari begira zaudete. Miren egingo duzuen otordua buruan eta Amets bihotza hunkitua. Amets hasita, hiruna bertsu 8ko ttipian.
Amets Arzallus Antia Kartzela Beste batzuen haurra zure sabelean eraman duzu. Oraintxe haien eskuetan utziko duzu. Hiru bertsu, nahi duzun neurri eta doinuan.
Amets Arzallus Antia Bukaerako agurra

Nabigazioa