Gipuzkoa

Zabalik dago Gipuzkoako Eskolartekoko izen ematea

2017/12/20
Urtarrilaren 19ra arte luzatuko da bat-bateko txapelketan izena emateko epea.

XXXVIII.edizioa izango du Eskolartekoak 2018koa. Azken urteetan Ikastolen Elkartearekin elkarlanean antolatutako ekimen bat izan da, beraz, idatzizkoaz Ikastolen Elkartea arduratuko da eta bat-batekoaz Gipuzkoako Bertsozale Elkartea.

Bat-batekoa 14-18 urte bitarteko gazteentzat antolatzen da eta kanporaketa guztiak bertso afari formatuan izango dira. Hona hemen aurtengo egutegia:

-Otsailak 16, Zestoan.

-Otsailak 23, Oñatin.

-Martxoak 2, Orion.

-Martxoak 9, Ereñotzun.

-Martxoak 16, Anoetan.

Kanporaketetan bertsolariek egin beharreko lanak ondorengoak izango dira:

-Hasierako agurra (nahi den neurrian).

-4 oinak emanda, 8ko txikian bertso bat.

-Binaka, gaia emanda, 8ko handian bina bertso.

-Hirunaka, gaia emanda, 3na kopla trikitiaren laguntzaz.

-Bakarka, puntu bati erantzun eta gaia emanda bertso bat (gehienez 5 puntuko neurrian).

-Bukaerako agurra (nahi den neurrian).

Izena emateko ondorengo datuak bidali beharko dira gipuzkoa.tokieragilea@bertsozale.eus helbidera:

-Izen-abizenak.

-Jaiotza data.

-Bertso-eskola eta irakaslea.

-Telefonoa.

-Email helbidea.

-Norbere argazkia (sorbaldaz gorakoa).

Izen ematea urtarrilaren 19an itxiko da.

 

BDB gaur

1993-08-21 Bidania-Goiatz

Sebastian Lizaso

Kaletarra naiz baina badaukat
baserriko informea:
etxekoandrea izaten dala
beti fina ta xumea,
atseden gutxi eta gainera
ia urtero umea;
benetan diot, sufritu bat da
baserriko emakumea,
bera da ama, etxekoandre,
langile ta neskamea. (bis)

Etxean jabe bada gaitzerdi,
sarri askotan maizterrak;
etxekoandreak konpondu behar
seme-alaben okerrak,
eta sarritan ferira aldegin
etxeko senar alperrak;
holakoetan etxekoandreak
erakutsi behar perrak.
Hamaika etxe bada bizirik
etxekoandreai eskerrak! (bis)

Iragan egun batez

Mikel Laboaren diskotik jaso dugu. Doinuak aurrera darrai 2.bertsoan baina nik ez dut jaso hemen. Xalbadorrek LAGUNDURIKAN DANOI I doinuan kantatu zituen bere bertsuok (Odolaren mintzoa 177 eta entzun bere kaseta)