Gipuzkoa

Gipuzkoako Eskolartekoa - 2016

Finalera iritsi aurretik, Gipuzkoako bost herritan izan ziren XXXVI. Eskolarteko Txapelketaren kanporaketa saioak.

DSC_5383.JPG

Legazpi (16-02-12)

Ane Beloki (Legazpi), Oihana Arana (Eskoriatza), Marixe Ruiz de Austri (Arrasate), Gontzal Belategi (Oñati), Bittor Zubiagirre (Oñati) eta Gartxot Ramirez (Zaldibia) izan ziren parte hartzaileak.

Karlos Ibarguren, Mikel Lersundi eta MIkel Urteaga epaile lanetan aritu ziren eta Asier Iriondo aurkezle lanetan.

Lasarte (16-02-19)

Aitor Balerdi (Hernani), Beñat Mujika (Donostia), Asier Ibarguren (Lasarte-Oria), Jokin Irastortza (Oiartzun), Josu Ibarguren (Oiartzun), Iraitz Sarasola (Ordizia) eta Pello Iriarte (Hernani) izan ziren parte hartzaileak.

Iñigo Legorburu, Aitor Gereñu eta Araitz Muguruza epaile lanetan aritu ziren eta Irati Agirrezaldegi, berriz, aurkezle lanetan aritu zen.

Zarautz (16-02-26)

Jon Ander Iriondo (Azpetia), Ane Peñagarikano (Zarautz), Libe Goenaga (Getaria), Iker Ormazabal (Hernani), Beñat Clemente (Hernani) eta Andoni Mujika (Urnieta).

Eneritz Azkue, Elisa Iztueta eta Leire Beloki epaile lanetan aritu ziren eta Imanol Artola Felix, aurkezle lanetan.

Aretxabaleta (16-03-11)

Aizpea Garmendia (Lazkao), Aritz Irigoien (Oñati), Haizea Arana (Eskoriatza), Aitor Tatiegi (Oñati), Maddi Aiestaran (Beasain) eta Paul Iruretagoiena (Ataun) izan ziren parte hartzaileak.

Antton Aizpurua, Mikel Beloki eta Martin Aramendi izan ziren epaile eta Imanol Artola Felix, aurkezle lanetan aritu zen.

Azkoitia (16-03-17)

Itziar Mendia (Beasain), Naroa Agirre (Urnieta), Urko Arregi (Oñati), Imanol Albizu (Azpeitia), Iker Letamendia (Azpeitia) eta Lierni Rekondo (Lasarte-Oria) izan ziren parte hartzaileak.

Zigor Leunda, Oihana Aranguren eta Ainhoa Mujika epaile lanetan aritu ziren eta Iban Narbaiza, berriz, aurkezle lanetan.

Finala (16-04-17)

Zortzi bertsolarik abestu zuten finalean: Ane Peñagarikano (Zarautz), Urko Arregi (Oñati), Libe Goenaga (Getaria), Beñat Mujika (Donostia), Itziar Mendia (Beasain), Aizpea Garmendia (Lazkao), Gontzal Belategi (Oñati) eta Andoni Mujika (Urnieta).

Epaile lanetan Martin Aramendi, Amaia Otxotorena eta Ainhoa Mujika aritu ziren, eta idazkari bezala Nerea Urra.

Saioko aurkezle lanetan Mikel Artola aritu zen eta Gipuzkoako gai-jartzaile taldeak jarritako gaiak ematen berriz, Saroi Jauregi.

Zortzi bertsolariek egin beharreko lanak ondorengoan izan ziren:

 -       Hasierako agurra (neurri librean)

-       4 oinak emanda, 8ko txikian bertso bat.

-       Binaka, gaia emanda, 8ko txikian bina bertso

-       Binaka, gaia emanda, 8ko handian bina bertso

-       Bakarka: puntuari erantzun, eta gaia emanda bertso bat (gehienez 5 puntuko neurrian)

-       Bukaerako agurra (neurri librean)

Azkenean, Andoni Mujika donostiarrak irabazi zuen Eskolarteko finala eta bigarren Aizpea Garmendia lazkaotarra izan zen. Hauek biek  ordezkatu zuten Gipuzkoa ekainaren 4an Ereñozun egin zen Euskal Herriko Eskolarteko txapelketan.

Txapeldunari txapela Gipuzkoako txapeldun izan berri den Beñat Gaztelumendik jantzi zion eta  Ikastolen Elkarteak antolatutako Eskolarteko idatzizko sariketako sari banaketa ere Coliseoko ekitaldian egin zen. Sari banaketan parte hartu zuten besteak beste,  Arantza Manterolak (Ikastolen Elkartea), Iñaki Muruak (Euskal Herriko Bertsozale Elkartea) eta Patxi Lejardik (Eibarko Udala).

 

 

 

Agenda

2019-06-27 Zarautz Jaialdia

Sanpelaioak. Bertso saioa

2019-06-28 Donostia Berezia

"Eta... zer gehiago?" ikuskizuna

2019-06-28 Deba Berezia

Bertso-saio literarioa

Agenda osoa

BDB gaur

2008-06-26 Asteasu

Jexux Mari Irazu Muñoa, Sebastian Lizaso

J.M. Irazu: Mutil txintxua bizi osuan
ta lanian berriz maisu.
Baldin norabait juan behar banu
beti etxian abisu.
Nere lan eta penitentziak
San Pedro badakizkizu
monagilo're izandu nintzan
horrek balio badizu! (bis)

S. Lizaso: Laburra izan zen monagilotzan
lortu zenduen dizdira
ta artxiboan hortxe egon naiz
zure izanai begira:
zu lehen okupa joan zinaden
Larrauldikan Hernanira
baina zeruan leiho guztiak
itxita egoten dira. (bis)

J.M. Irazu: Zeruan ez da leihorik eta
zuk ez hitz egin aldrebes
ate haundi bat erdi-erdian
ta zerorri zera juez.
Bertsolariak golfuan fama
izanagatikan berez
Sebastiani utzi zenion
ta neri zergatikan ez? (bis)

S. Lizaso: Nik azterketak egiten ditut
beti ere kasuz kasu.
Sebastian ez zan hain ona baina
oso gaiztoa zera zu:
ezkondu gabe aita egina
omen zaude zu Irazu
eta gainera semea ere
bataiau gabe daukazu! (bis)

J.M. Irazu: Bai halaxe da gezur haundirik
San Pedro ez dezu aipa
nere bizitzan egingo nuen
horrelakua hamaika!
Fedeak hala agindu eta
propio egin nun nahita
Jesukristo ere ezkondu gabe
ez al zan ba egin aita? (bis)

S. Lizaso: Orain ez zazu hemen atera
alperrikako marmarrik
defenditzeko ez dadukazu
Kristo aipatu beharrik!
Harek zun famak ez zuen izan
noski zuretzat indarrik
Kristo aita ona izan genduen
fededunentzat bakarrik. (bis)

J.M. Irazu: Fededunentzat bai aita ona
baina ni ez naiz izan apaiz.
Zerura sartu nahi nuela ta
zure belaun eta garaiz
giltzik ez dezu ematen eta
atea dago zabalkaitz...
Zerun tokirik ez baldin badet
bueltan lurrera juango naiz. (bis)

S. Lizaso: Amets klaseak izaten dira
beti ere arriskuko
eta zuk egindako ametsak
berak eingo dizu uko.
Nik banekien Jainkoarekin
ez zendula sinistuko.
Hala ta guztiz alperrik zabiltz
berriz ez zera piztuko! (bis)

Maiatzak jantzi eban lorea

Jonek bere aita Balendinen heriotzan egindako bertsoak.