Gipuzkoa

Gipuzkoa Bertsotan sailkapen fasean izena emateko epea zabalik

2018/11/05
2019ko irailetik abendura bitartean, Gipuzkoako Bertsolari Txapelketaren edizio berri bat izango da. Aurretik, maiatzean hasita, Gipuzkoa Bertsotan sailkapen fasea jokatuko da. Gaur hasi eta azaroaren 25era bitartean eman daiteke izena Gipuzkoa Bertsotan sailkapen fasean parte hartzeko.

2019ko maiatzean eta ekainean izango da Gipuzkoa Bertsotan, 2019ko Gipuzkoako Bertsolari Txapelketarako sailkapen fasea. 2001ean edo lehenago jaiotako gipuzkoarrek har dezakete parte. Izena emateko, galdetegi hau bete beharko da:

-    Izena emateko galdetegia

Sailkapen fasean izena ematen dutenek saio batean hartuko dute parte, eta lan hauek egin beharko dituzte:
-    Binaka, gaia emanda, zortziko handian, hiruna bertso.
-    Binaka, gaia emanda, zortziko txikian, hiruna bertso.
-    Bakarka, lehen puntua emanda, zortziko txikian, bina bertso.
-    Bakarka, gaia emanda, nahi den doinu eta neurrian, bina bertso.
-    Kartzelako lana: binaka, gaia emanda, hamarreko txikian, hiruna bertso.

Behin Gipuzkoa Bertsotan fasea amaituta zehaztuko da zein bertsolarik hartuko duten parte 2019ko Gipuzkoako Bertsolari Txapelketan.

Agenda

2019-01-20 Itziar Lagun-artekoa

Bertso poteoa eta bazkaria

2019-01-20 Irun Plaza librea

Sagardotegi denboraldiaren irekiera. Bertsolariak

2019-01-25 Astigarraga Lagun-artekoa

Herri Urratsen alde. Bertso-afaria

Agenda osoa

BDB gaur

1992-01-19 Donostia

Imanol Lazkano

Batzuntzat pena ekarriko du,
beste batzuentzat poza,
Bartzelona ta Sevilla aldean
badute zerekin goza,
baina guretzat ez derizkiot
oso urte aproposa,
laroitamabi ez da ulertzen,
dena da "noventa y dos"a. (BIS)

Nola nekazal ala industri
ta zenbait kultur landare,
laguntza faltan galtzear daude
hainbat ta hainbat ondare,
gure Herria jartzen ari da
ijitu karruan pare,
baina Sevillan harrokeri bat
egingo degu halare. (BIS)

Buru gehiagoz begira ezik
Iparra edo Nortera,
nahiko iluna ikusten det nik
Herri zahar honen ertera,
galduko degu nortasuna ta
hustuko degu kartera,
hanka hutsetan sartuko gera
bi mila garren urtera. (BIS)

Jauregi Salaberria, Joakin Maria "Panderi"

Hil 1921-01-19

Sebastiana Larrarte Mendizabalekin gera bukatu zenean 1876? ezkondua eta Ursula Isasa Ortizekin 1885ean. Jose Manuel "Lairon"en anaia eta Jose Migel Salaberria "Panderi"ren iloba. Karlistetan ibili z...

Motibo bat nigana / Bizkaiko txerriarena / Bizkaiko aberatsak

Gabriel Arestiren Bizkaiko Aberatsak bertsoak doinu honetan kantatzen ditu Oskorri taldeak. Erreparatzekoa da 10eko txikiko dinu honek Uztarri gipuzkoarrak bertsoz jantzi aurretikako sustrai zaharrak dituela Bizkaia aldean, Guridik Andra ona daun gixona izeneko koplaz argitaratu eta 10 Melodias Vascas sailean ere erabili zuena. Anje Duhaldek ASTEBURU ALDERA izeneko doinuan kantatzen ditu bertsuok Pinpirin eta Floria izeneko diskoan.