VI. BEE - Eibar (2010)

Gipuzkoako Bertso Eskolen VI. eguna ospatu genuen 2010eko apirilaren 25ean Eibarren. Besteak beste Gipuzkoako Bertsozale Elkartea eta Gipuzkoako Bertso Eskolen Sareak beste urte batez abian jarri zuen egun honek, aurten inoiz baino laguntzaile gehiago izan ditu. Egitaraua osatzeko orduan erraztasunak besterik ez ditugu izan Eibarreko Bertso Eskola, Euskara eta Kultur elkarteek emandako erantzunarekin, halaber Udalaren jarrera ona eta uneoro eskainitako prestutasuna ezin bestekoak izan dira egunaren funtzionamendu ona bermatu ahal izateko.

2010-A.jpg

Goizeko 10:30etik aurrera, Gipuzkoa osoko bertso eskoletako neska-mutilok bat egin genuen Eibarreko Untzaga plazan, udaletxearen aurrealdean. Egunaren nondik norakoak azaltzeko begiraleen bilera labur bat egin genuen, eta martxan jarri ginen.

Musikaz girotutako plazan, 400 bat neska-mutikori ongietorria egin zitzaien. Une horretan, propio egun horretarako Mirari Sagarzazuk diseinatutako marrazkiarekin edertutako kamisetak banatu genituen.

Eguraldia lagun izan genuen egun guztian zehar; une batzuetan beroegi egin zuen, agian, baina giro ederrenean ospatu genuen eguna.

Agenda

2019-07-16 Donostia Lagun-artekoa

Arrantzale jubilatuei omenaldia bertsolariekin eta bertso bazkaria

2019-07-16 Donostia Plaza librea

Kaiko Karmengo jaiak. Bertso poteoa

2019-07-16 Donostia Berezia

Karmengo jaiak. Bertso eskolako gazteen emanaldia

2019-07-18 Zestoa Plaza librea

Karmengo jaiak. Bertsolari Gazteen IV. saioa

2019-07-19 Donostia Plaza librea

Zipotz jaiak. Bertsobermuteoa Txosna batzordearen eskutik

Agenda osoa

BDB gaur

1993-07-15 Añorga

Jokin Sorozabal, Millan Telleria

Sorozabal:
Batzuentzako bahiketa honek
badu hamaika interes,
baina pertsona guztiak libre
bizi nahi lukete berez.
Nahiz eta honek tratatzen nauen
beste askok baino era hobez,
nik ere lasai bizi nahi det ta
aska nazazu mesedez.
Telleria:
Agian zuk'e amesten dezu
askatasunan izpia,
baina bizitza ez degu beti
samurra eta eztia,
eta nik ere nolabait bete
aginduaren hizkia,
zu egon lasai bete artean
eman didaten guztia.
Sorozabal:
Ikusten denez, zure gainetik
beste norbait badaukazu;
hark esan arte preso nago ni
halaxe esan didazu;
ni inuxente bat nola naizen
garbi ohartzen zara zu,
ta gerran segi behar badezu
Atutxa sekuestra zazu.
Telleria:
Nolabait ere har nezaioke
nik Atutxari neurria,
ertzainburu da gizon hori ta
zein gizon lotsagarria;
bere mutilez mendekatu nahi
sortu ginan aberria;
usteldu nahian dabil hura're
gu eta gure Herria.
Sorozabal:
Baina ni ez nabil ustelkerian,
ez bainaiz hortarako gai;
atera eta nere enpresa
altxatzen nahi nuke jarrai.
Nerekin ados baldin bazaude
esan zenezake lasai:
Euskal presoak kalera baina
Julio Iglesias ere bai.
Telleria:
Zu buru zinan eta urrats bat
latza eman zun IKUSIk,
zuk diozuna presoengatik
sumatuko nuke pozik;
bion artean ez nuen nahiko
gorroto ta sestra gauzik,
bion arteko gauza ez da hau
goitik daudenena baizik.
Sorozabal:
Nagusiren bat badaukazula
zuk hor zenion lehenengo,
seguru asko hura're ez da
nere erruki egongo,
baina pakea behar degula
denok badakigu ondo,
ta denok zerbait galdu ezean
sekula ez da izango.
Telleria:
Burruka batek izaten ditu
negar eta erasoak,
ta amaierak ez guzientzat
uste bezain erosoak;
gure Herriko gudarientzat
altxa ditzagun besoak...
Ta askatasuna Zamorarentzat,
eta askatu presoak!

Zerbait erantzun behar

Egoki kantatzeaz gain, herri doinuen kutxa aberatsa da Patxi Etxeberria bertsolaria. Berarengandik jaso dugu doinu hau.