Gipuzkoa

Aste honetan hasiko da Gipuzkoako Eskolartekoa

2017/02/09
Datorren ostiralean hasiko da idatzizko txapelketa, Azpeitian. Bat-batekoa, berriz, hurrengo ostiralean, Legazpin.

Hastear dugu Gipuzkoako Eskolarteko XXXVII. Txapelketa. Sei kanporaketa izango ditugu idatzizkoan: Azpeitian, Legazpin, Aretxabaletan, Tolosan, Orion eta Hernanin.

Bat-bateko txapelketan hogeita hamairu bertsolarik hartuko dute parte, bost kanporaketetan: Legazpin, Lasarten, Oñatin, Altzon eta Orion. Finala apririlaren 2an izango da Azpeitian, bertso-eskolen egunarekin batera.

Iaz bezalaxe, aurten ere bertso afari formatukoak izango dira kanporaketak. Afaltzeko izena eman nahi duenak www.bertsosarrerak.eus-en izango du aukera. Sarrerak saioa den asteko asteazkena arte egongo dira eskuragarri. 

 

Agenda

2018-10-20 Errenteria Plaza librea

Landa Lurra Azoka. Bertsolariak

2018-10-20 Hernani Berezia

Etxebizitzaren Astea. Kontzetua: Etxebitzita duin eta eskuragarria. Bertsolariak eta raperoak

2018-10-20 Asteasu Sariketa

I. Pello Errota Bertso Sariketa. Finala. Bertso afaria

2018-10-21 Zerain Lagun-artekoa

Jaiak, Jubilatuen Eguna. Bazkaria bertsolariekin

2018-10-26 Eskoriatza Jaialdia

Ikasturte hasierako bertso jaialdia

Agenda osoa

BDB gaur

1995-10-20 Usurbil

Joxe Munduate, Juan Mari Narbaiza

Narbaiza:
Erizain daramazkit
hogei urte kasi
ta pasatuak ditut
hamaika desgrazi.
Indiziuagatik
hainbeste garraisi,
kokoloagorikan
ez diat ikusi.

Munduate:
Kokolo samar igual
baleike agian,
baina hartu gabea
nago aspaldian.
Bista ere ez duzu
modu egokian,
igual sartuko dit
behar ez dan tokian.

Narbaiza:
Honen estuasuna
honen izerdia,
behar ez dena eskuz
daduka gordia.
Lehen'e zulatua dek
hik atze erdia,
hain sentibera al duk
hire ipurdia.

Munduate:
Zaztada emateko
honek dauka grina
ta nik nozitu behar
horren eragina.
Penizilina behar ta
ekarri morfina,
enfermerarena dut
beldurrik handina.

Narbaiza:
Ni txukun etortzen naiz
eta borondatez,
larri jartzen bazera,
zeuretzako kaltez.
Lotzen ez bazaituzte
sokaz edo katez,
ahoan sartuko'izut
ipurdiko partez.

Munduate:
Lehen ere txorradatik
entzun dut nik aski,
patxu parean dauzka
kristonak bi saski.
Baina esango dizut
ta entzun zazu azti!
Zuk sendatzen banauzu
ez nengon hain gaizki.