Sailak

Bertsozale Elkartearen zutabe diren lan-ildoek osatutako sailek (transmisioa, sustapena eta ikerkuntza) eta zehar-lerroan ari direnek (generoa, komunikazioa eta hedapena) osatzen dute elkartearen lan eremua.

Transmisioa

Transmisio Sailaren zeregina belaunaldiz-belaunadi bertsolari, zale, antolatzaile, irakasle... eta, oro har, bertsolaritzaren ekosistema elikatzea da; horretarako ezinbestekoa zaigu esparru ezberdinetatik eragitea.

Egitasmo nagusi ditugu:

  • Ikastetxeetan bertsolaritza klaseak bideratzen dituen Bertsolaritza ikastetxean proiektua, Bertsolaritzaren Curriculuma oinarri duena. Ikastetxeekin kantaldiak, topaketak, jaialdiak, irratsaioak... egiten dira urtero.
  • Haurren eta helduen bertso-eskolak, eta haiei zuzendutako ekimenak: materiala, ikastaroak, bertso-eskolen mapa, Bertso Eskolen Egunak...
  • Eskolartekoa proiektua, ikasturtean zehar gaztetxoentzat saioak eta harremanetarako guneak eskaintzen dituzten ekimenek osatua: bertso-merenduak, topaketak, idatzizko sariketak, ...
  • Bertso Udalekuak egitasmoa eta bestelako barnetegiak gazteentzat.
  • Helduen euskalduntzerako ekimenak: saio didaktikoak euskaltegietan, Bertso Korrika...

Harremanetarako: Beñat Vidal eta Ixiar Eizagirre (transmisioa[abildua]bertsozale.eus).

Sustapena

Sustapen Sailaren egitekoa bertsolaritzaren zabalkundea sustatzea da.

Zeregin nagusiak:

  • Txapelketa Nagusiaren eta lurraldeetako txapelketen antolaketa.
  • Bertso Egunaren antolaketa.
  • Bertsolarien egile eskubideen inguruan hausnarketa.
  • Plazaz plazako bertsogintzaren azterketa.

Harremanetarako: Jon Agirresarobe (sustapena[abildua]bertsozale.eus).

Ikerkuntza

Bertsolaritzaren gaineko ikerketa eta azterketak ahalbidetzea da Ikerkuntza Sailaren zeregina, eta hori lortzeko bi lan-arlotan banatzen da saila:

Ikerkuntza taldea

  • Bertsolaritzaren gaineko ikerketak bultzatu, bideratu edo/eta sostengua eman.
  • Bertsolaritzaren iker-lerroak definitu. Horren adierazle da amaitzen ari den Ikerkuntza Mapa, orain arte egin diren azterketak eta oraindik aztergai dauden esparruak identifikatzen dituena.
  • Zenbait azterketatan edo/eta gogoetatan parte hartu: bat-bateko bertsoak epaitzeko irizpideen berrazterketa eta berridazketa; doinutegiaren eguneraketa; bertsolari eta bertsozaleen azterketa abian jarri;...

Harremanetarako: Karlos Aizpurua (ikerkuntza[abildua]bertsozale.eus).

Xenpelar Dokumentazio Zentroa

  • Bertsolaritzaren ondarea bildu, antolatu eta gizarteratu.
  • Zerbitzu publikoa eskaini, erabiltzaile ororen eskaerei erantzunez.
  • Bertsolaritza Datu-Basearen (bdb.bertsozale.eus) garapena eta edukien katalogazioa.
  • Bertsolaritzaren ondarearen digitalizazio programarekin aurrera egin.

Harremanetarako: Xenpelar Dokumentazio Zentroa (xenpelar[abildua]bertsozale.eus).

     

    Elkartearen proiektuak hiru zutabe horietan multzokatzen dira eta horietan guztietan zehar-lerroan aritzen dira...

    Genero Taldea

    2008an jarri zen martxan. Bertsozale Elkartearen barruan parekidetasunari ekiteko talde propio bat sortu izana, bertsolaritzan azken urteotan gauzatu den ibilbidearen ondorioa izan da.

    Egiteko nagusiak:

    • Bertsozale Elkarteko Genero Agenda: elkarteko sail bakoitzean genero ikuspegia eta parekidetasuna sustatzeko neurriak diseinatzea eta bultzatzea.
    • Formazioa eta sentsibilizazioa: bertsogintzako agente ezberdinei begirako formazioa, hitzaldi zein tailer esperimentalen bidez, eta landu nahi diren ezaugarrien arabera hiru bidetan egingo da: mistoan, emakume zein gizonezkonentzako, elkarrekin egiteko hausnarketak; emakumeen ahalduntzearen lanketarako; eta gizonezkoen maskulinitatearen hausnarketarako.
    • Gizarteratzea: bertsolaritza eta generoaren alorrean egiten den lana bide ezberdinetatik ezagutaraztea.

    Harremanetarako: Ixiar Eizagirre (umorez[abildua]bertsozale.eus).

    Komunikazioa

    Komunikazio Sailak Bertsozale Elkartearen barruko eta kanpoko komunikazioaren ardura du.

    Egiteko nagusiak:

    • Elkartearen komunikazio politika diseinatu eta garatzea.
    • Bazkideekiko etengabeko komunikazioa zaintzea.
    • Sarean Bertsozale Elkartearen eta bertsolaritzaren presentzia eragitea.
    • Hedabideetan eta gizarte mailan bertsolaritzak duen presentziaren jarraipena egitea.
    • Elkarteak aurrera eramaten dituen egitasmoen komunikazio planak diseinatzea eta gauzatzea.

    Harremanetarako: Amaia Goikoetxea eta Estibalitz Esteibar (komunikazioa[abildua]bertsozale.eus).

    Hedapena

    Hedapen Sailak Bertsozale Elkartearen ikus-entzunezko beharrak asetzen ditu.

    Egiteko nagusiak:

    • Bertsolaritzaren zabalkunderako eta Bertsozale Elkarteari loturiko ikus-entzunezko ekoizpenak sortzea.
    • Bertsoa.eus sareko plaza digitala kudeatzea eta elikatzea.
    • EITBrekin elkarlanean, Hitzetik Hortzera telebista programako edukiak kudeatzea eta sortzea; eta baita bestelako zuzeneko eta noizbehinkako ekoizpen jakinak ere.
    • Elkartearekin hitzarmena duten irratietarako grabazio zerbitzua kudeatzea eta hedabideen aldetik jasotzen diren eta bideragarri diren ikus-entzunezko eskaerak gauzatzea.

    Harremanetarako: Eneritz Urkola (hedapena[abildua]bertsozale.eus).