Bilbo

Euskara hutsean idazten daben bi komunikabidetako zuzendariak zarie. Diru-kontuetan estu ibili zarie beti eta diru laguntza publikoak be geroz eta txikiagoak dira. Xabat, diru laguntza publikoak handitzea eskatzearen aldekoa zara. Onintzak, ostera, irakurleen diru-ekarpenekin bakarrik egin gura leuke aurrera.

Lagunak zarie. Umetan ikastetxe berean ikasi zenduen eta eskola jazarpena sufridu zenduen. Gaur, eskolatik deitu deutsue, ikasleekin jazarpenaren gaia lantzen dabizela-eta zuen bizipenak kontetako eskatzen. Nerea, zuk joateko asmoa daukozu, Etxahunek, ostera, ez.

Orain dala 30 urte etorri zinien Espainiatik Euskal Herrira lanera eta ordutik, ontziola batean egin izan dozue lan. Orain dala hilabete batzuk jakin zenduen lantegia itxi egingo dabiela. Enpresak eskeini deutsuen aukera bakarra, lanera Andaluziara edo Galiziara joatea da. Aitor, ez dozu onartzea beste aukerarik ikusten, Jonek ez dabela onartuko dino.

Preso dagozan Altsasuko gazteen lagunak zarie. Miren, zu itxaropentsu zagoz eta uste dozu berandu barik askatuko dabiezela. Enekok aldiz ez dauko ezelako esperantzarik justizian.

Lanekoen bazkaria euki dozue. Parranda luzatu eta karaokean amaitu dozue. Onintza bertan sartu zarienetik, Nerea enpresako zuzendari nagusiak ez dau mikrofonoa soltau. Onintza zeu be kantetako desietan zagoz.

Bikotea zarie. Gabon zaharretako familiakoen afarian jende asko batzen zarie urtero. Etxahun zuk gorroto dozuz holako ospakizunak. Xabatek, barriz, ondo baino hobeto pasetan dau beti. Etxahun, denbora daroazu Xabati keinuka, joan gura dozula adierazteko. Xabatek ez dau seinale bat bera be jasoten.

Bizilagunak zarie. Sutea piztu da zuen eraikinean eta suhiltzaileek esan deutsue eraikinetik urtetako modu bakarra eskailerako leiho batetik salto egitea dala. Jone, ez dozu salto egingo daben lehenengoa izan gura eta Miren konbentzidu guran zabiz aurretik joan daiten.

Eneko, Bizkaiko Bertsolari Txapelketako finaleko ordezko bertsolaria zara eta ordubete falta da finala hasteko. Antolakuntzakoek esan deutsue Aitor finalista ondoezik dagoala eta bere ordez zeuk kantau beharko dozula. Kamerinora joan zara eta han topau dozu Aitor.

1. Youtuber izatea/gaur egungo moda 2. Ondo egingo zeunke/saiatu ezkero

1. Itxura zaintzen dogu/gero ta gehiago 2. Ez dogu erakusten/benetan garena

1. Euskara batuak dau/aurton urtemuga 2. Baliagarria da/alkar ulertzeko

1. Bertso eskolen lana/ez da, ez, makala! 2. Bertso ekosistema/benetan anitza

1. Gabonak heldu dira/hainbat etxetara 2. Olentzero begira/dago adi-adi

1. Urtea joan jaku/enterau orduko 2. Datorren urterako/zein da zure plana?

1. Info zazpiri agur/esango deutsagu 2. Uhinetatik dator/euskara herrira

1. Udabarriarekin/badator Korrika 2. Entrenatzen hasteko/heldu da sasoia

Erropa denda bat zabalduko dozue laster eta dana atontzen zabizie. Xabat, manikiak kutxatik atara dozuezenean, Nereak esan deutsu ez dabiezela gorputz errealak irudikatzen eta ez dauzela ipini gura.

Umoregileak zarie. Onintza, azken aldian eztabaidan dago umorea edozeren ganean eta edozelan egin leiken ala ez. Hori dala-eta Etxahunek esan deutsu zalantzak sortu jakozala bere ikuskizunetako edukien inguruan.

Gurasoak zarie. Zuen 5 urteko umea aluagaz jaio zan. Gaur bera mutila dala eta mutil moduan tratetako eskatu deutsue. Aitor, Mirenek esan deutsu ez dakiela zelan jokatu.

Kuadrilakoak zarie. Zuen lagun baten hiletan egin dozue topo. Jonek esan deutsu berak ez dabela elizagaz ezer jakin gura, eta kanpoan geratuko dala elizkizuna amaitu arte.

Suhiltzailea zara. Ez da denbora asko etxegabetze batean parte hartu zendula. Gaur bertan beste baterako abisua jaso dozue.

Bikotekidea daukazu. Urteak daroazuez alkarregaz. Bada denbora bat, ezkutuan, beste pertsona batzuekin sexu harremanak daukozuzela. Bikoteagaz horren inguruan argi berba egiteko momentua ailegau dala pentsetan dozu.

Abokatua zara. Ama etorri jatzu ustelkeria kasu baten auziperatu dabela-eta bera defenditzeko eskatzen. Bihar erantzungo dautsazu.

Emakumea zara. Orain arte lana izan da zure bizitzaren erdigunea, eta gura zendun ardura postua lortu zendun. Azkenaldian haurdun geratzea darabilzu buruan.

Urteak dira betiko lagun kuadrillatik urrundu zinela. Gaur, aspaldiko partez, kuadrillako bazkarirako gonbidapena jaso dozu. Oraindik ez dozu erantzunik emon.

Politikari baten komunikaziño arduraduna zara. Zeuk idazten dautsazuz diskurtso danak. Agerraldi jendetsu batean berbetan dago orain eta txalo zaparradak eten bakoak dira. Inbidia sentitzen dozu.

Bizkarzaina zara. Indarkeria matxista jasaten daben emakume bat babesten jarri zaitue. Gaur izan dozu lehen eguna beragaz.

Nerabea zara. Zure gurasoek umetzat hartzen zaitue eta ez dabe zure iritzia aintzat hartzen. Gaur be familia bazkarian isiltzeko esan deutsue.

Onintza Olentzero eta Etxahun Mari Domingi zarie. Onintza, Etxahunek esan deutsu egur bila doala basora. Asko tardetan dabela-eta, bere bila urten dozu. Akelarre baten topau dozu dantzan. Hurreratzeko gonbitea egin deutsu.

Etxahun zure bikotekidea kartzelan dago eta Onintza zuen alaba nerabea da. Hilean behin, gitxienez, joaten zarie bisitan Andaluziara eta asteburu honetan toketan jatzue joatea. Etxahun, Onintza alabak/semeak esan deutsu kuadrilako afaria daukala eta ez dabela bisitan joan gura.

Zorotzat hartu zaitue danek, baina bardin deutsu.

Zorotzat hartu zaitue danek, baina bardin deutsu.