Bertsozale.eus Bertsozale Elkartea

Faseak eta sailkatzea

Bizkaiko Txapelketak fase nagusi bi ditu: Udabarriko Fasea eta Udagoieneko Fasea. Azken hori kanporaketekin hasiko da, finalaurrekoak jokatuko dira gero, eta azkenik, finala.

Udabarriko Fasea

Bizkaiko Txapelketaren lehenengo fasea izango da eta Bizkaia osoko bertsolariek hartuko dute parte. 2018ko apirilean eta maiatzean jokatuko dira saioak. 78 bertsolarik parte-hartuko dute, eta 13 saio jokatuko dira, 6 bertsolarikoak.

Udabarriko Faseko bertsolariak puntuazioaren arabera sailkatuko dira Udagoieneko Fasera.

Udagoieneko Fasea:

  • Kanporaketak

30 bertsolari arituko dira lehian. 6 bertsolariz osatutako 5 kanporaketa egingo dira. Kanporaketa bakoitzeko irabazlea zuzenean pasatuko da hurrengo fasera, eta gainontzekoak, puntuazioaren arabera.

2014ko txapelketetako finalistek, zuzenean 2018ko kanporaketa-fasean sartzeko eskubidea daukate.

  • Finalaurrekoak

18 bertsolari lehiatuko dira fase honetan. 6 bertsolariz osatutako 3 finalaurre egingo dira. Finalaurre bakoitzeko irabazlea zuzenean pasatuko da finalera, eta gainontzekoak, puntuazioaren arabera.

2016ko Bizkaiko Txapelketako finalistek 2018ko Txapelketaren finalaurreko fasean sartzeko eskubidea daukate.

 

2016ko zortzi finalistek eman dute izena Txapelketan. Zozketaz, horrela banatu dira finalaurrekoetako saioak:

Berriz Igorre Lekeitio
Xabat Galletebeitia Nerea Ibarzabal Etxahun Lekue
Miren Amuriza Beñat Ugartetxea Jone Uria
Gernika-Lumoko irabazlea Onintza Enbeita Ibon Ajuriagojeaskoa
Plentziako irabazlea Santurtziko irabazlea Zornotzako irabazlea
Puntuazioz 2.a Berriatuako irabazlea Puntuazioz 1.a
Puntuazioz 5.a Puntuazioz 3.a Puntuazioz 4.a

 

  • Finala

8 bertsolari lehiatuko dira. Finalaurreko bakoitzeko 3 irabazleak, eta gainontzeko 5ak, puntuazioz sailkatuko dira.