Kirikiño eta Deustu ikastoletako gazteek kafe antzokiko oholtza bete zuten atzo
Eskolatik Oholtzara egitasmoaren hirugarren edizioa izan da aurtengoa, eta Kirikiño Ikastola eta Deustuko ikastolako gaztetxoak igo dira oholtzara.
Proiektu hau Bizkaiko Bertsozale Elkarteak eta Zenbat Garak antolatzen dute, elkarlanean, eta helburu nagusia, Bilboko ikasgeletan bertsolaritza lantzen dabiltzan gaztetxoei egiten duten behar handia erakusteko aukera eskaintzea da, hau da, eskolatik oholtzara pasatzeko aukera eskaintzea da.
Ikastetxe bietako 6. mailako ikasleak igo ziren oholtzara, taldeka, eta bakoitzak bere bertso ikuskizuna eskaini zuen, bertaratutakoen gozagarri.
Horrez gain, kantaldia ere izan genuen Oier Ponce musikariak lagunduta.
Bat-batean bertsotan Malen Amenabar eta Etxahun Lekue aritu ziren.
Hau dena gidatzen Jone Larrinaga eta Josu Telleria aritu ziren.
Zorionak parte hartzaile guztiei egindako beharragatik, bai bertsolaritza ikasleei, eta baita bertsolaritza irakasleei ere! Datorren urtera arte!
