Bertsozale.eus Bertsozale Elkartea

Hauek dira 2022ko Bertsolari Txapelketa Nagusiko bertsolari parte-hartzaileak

2022/05/03
Lurraldeetako txapelketetan eskuratu dute bertsolariek Txapelketa Nagusian izena emateko aukera. Ekainaren 22an aurkeztuko da txapelketa, eta orduan emango ditu xehetasun gehiago Euskal Herriko Bertsozale Elkarteak.

Halabeharrez txapelketa batetik besterako laurteko zikloa luzatuta, duela zenbait hilabete iragarri bezala, 2022ko udazkenean izango da Bertsolari Txapelketa Nagusia.

Txapelketan parte hartzeko aukera lurraldeetako txapelketetan eskuratu dute bertsolariek: 2019ko Gipuzkoako Bertsolari Txapelketan, 2021ean amaitutako Bizkaikoan, Nafarroakoan eta Xilaban (Lapurdi, Baxenabarre eta Zuberoakoa), eta oraintxe egiten ari den Arabako Bertsolari Txapelketan. Azken hau ezustean atzeratu behar izan zen neguko osasun egoera tarteko eta ekainean amaitzen denean irekiko zaie sailkatuei izena emateko aukera; orduan ezagutuko ditugu Txapelketa Nagusiko ordezkari arabarrak.

Arabako parte-hartzaileen izenen faltan, beraz, hau da Bertsolari Txapelketa Nagusian izena eman duten bertsolarien behin-behineko zerrenda:

Agin Laburu Rezola

Aitor Bizkarra Ruiz

Aitor Etxebarriazarraga Gabiola

Aitor Mendiluze Gonzalez

Alaia Martin Etxebeste

Amaia Iturriotz Etxaniz

Amets Arzallus Antia

Ane Labaka Mayoz

Asier Azpiroz Iztueta

Beñat Gaztelumendi Arandia

Beñat Iguaran Amondarain

Eneko Lazkoz Martinez

Eñaut Martikorena Lizaso

Gorka Pagonabarraga Agorria

Haritz Mujika Lasa

Iban Urdangarin Lardizabal

Imanol Uria Albizuri

Iñaki Apalategi Astigarraga

Iñigo Mantzizidor Larrañaga

Joanes Illarregi Marzol

Jone Uria Albizuri

Julio Soto Ezkurdia

Maddalen Arzallus Antia

Maialen Akizu Bidegain

Maialen Lujanbio Zugasti

Miren Amuriza Plaza

Miren Artetxe Sarasola

Nerea Elustondo Plazaola

Nerea Ibarzabal Salegi

Oihana Bartra Arenas

Oihana Iguaran Barandiaran

Onintza Enbeita Maguregi

Patxi Iriart Hiribarren

Saioa Alkaiza Guallar

Sustrai Colina Acordarrementeria

Unai Agirre Goia

Unai Gaztelumendi Arandia

Unai Mendizabal Jauregi

Xabat Galletebeitia Abaroa

Xabier Silveira Etxeberria

Xehetasun gehiago, ekainean

2022ko Bertsolari Txapelketa Nagusia irailaren 24an abiatuko da Getxon. 2005etik finalak Barakaldoko BECen egin eta gero, tokiz aldatuko da: finala egiteko baldintzak dituela aztertuta, Iruñeko Nafarroa Arenak hartuko du Bertsolari Txapelketa Nagusiko finala abenduaren 18an. Bertsozale Elkarteak bertsolaritzaren eta euskararen lurralde osoan eragitea du helburu eta horrekin bat egiten du leku aldaketak.

Ekainaren 22an aurkeztuko da Bertsolari Txapelketa Nagusia, eta orduan emango ditu xehetasun gehiago Euskal Herriko Bertsozale Elkarteak.

Irailaren 24an hasiko da Bertsolari Txapelketa Nagusia. / Alberto Elosegi - XDZ