Maialen Lujanbio Zugasti

Petrolio ontzi bateko langileak dira Unai eta Maialen. Hilabeteetan itsasoan lanean ibili eta gero, oraintxe ari dira porturatzen. Etxekoak zain dituztela ikusi dute.

Bizilagunak dira Maialen eta Aitor. Aitor egunero joaten da Maialenen etxera zerbaiten eskean. Orain ere badator, dokumentu bat inprimatu behar duela eta tinta bukatu zaiola esanez.

Kontrolatuta gaude / ordu guztietan
Non geratu ote da / intimitatea?
Denaren aitzakia / da segurtasuna

Arzallusek jendeak zabor ontzien ondoan uzten dituen altzariak eta etxetresnak jasotzen egiten du lan. Lujanbio gaur hasi da berarekin lanean. Harrituta dago oraindik ere erabilgarri diren zenbat traste bildu behar dituzten ikusita.

Dena ondo zihoan, argia piztu den arte.

Bi urteko haur baten gurasoak dira Maialen eta Igor. Maialenek haurra aurten eskolatu nahi du. Igorrek ez du eskolatu nahi sei urte arte.

Maialenek bulego batean egiten du lan. Jone garbitzaileak lekuz mugitzen ditu haren gauzak egunero. Gaur lehenago joan da lanera Maialen, eta Jone bertan topatu du.

Iñakiren eta Maialenen herrian Gazte Eguna antolatu dute, eta bazkarirako txartela erosi dute biek. Mahaian jarri direlarik, ohartu dira gainerakoak anitzez gazteagoak direla.

Duela bortz urte iritsi ziren Euskal Herrira Julio eta Maialen. Orain arte ezin izan dute beren egoera erregularizatu. Gaur lortu dituzte paperak.

Gezurra erran duzu, baina merezi izan du.

Kirolari profesionalak dira Maialen eta Unai, eta publizitatea egiteko eskaintza asko jasotzen dituzte. Maialen edozer iragartzeko prest dago. Unai, ordea, ez.

Bizilagunak dira Igor eta Maialen. Bart gauean birritan esnatu du Igor Maialenek sexu jolasetan zebilela. Gaur goizean, igogailuan egin dute topo.

Bizitzaren aurrean / baikorra al zara?
Etorkizunak dakar / hainbeste sorpresa
Unea bizitzea / genuke onena

Irakasleak dira Aitor eta Maialen. Murrizketak direla-eta, greba egin zuten atzo ere. Gaur, lanera bueltatu dira.

Atetik sartu zarenean, isildu egin dira denak.

Santurtziko portuko zamaketariak dira Maialen eta Amets. Armaz betetako kontainerrak kargatu behar dituzte atzerrira doan itsasontzi batean. Uko egitea proposatu dio Ametsek Maialeni.

Segurtasun lanetarako kontratatu dituzte Aitor eta Maialen. Herriko plazan jarri duten jaiotza erraldoia zaindu behar dute gauez.

Ama izan zara. Denek diote pozik egon behar zenukeela, baina ez zara hala sentitzen.

Bakeak artisau dira Aitor eta Maialen. Lehengo larunbatean lanean aritu ziren Parisen. Astebete pasatu da, eta etorkizunari begira jarri dira.

Aitor sei urteko umearen lagun imaginarioa da Maialen. Gaur esan dio Aitorrek Maialeni dagoeneko ez duela bere beharrik.

Izerdia

Bada ordu erdi auto bera atzetik duzula.