Urtarrilak 24, Korres

Mendialdeko BertsoLARRIak eta Gasteiozko Kakiturriko Gladioloreak

Korreseko tabernan elkartu gara afaldu eta kopla elegante batzuk botatzeko asmoarekin. Lehenik eta behin, afari goxoaz gozateko aukera izan dugu eta postrea gorputzean sartu eta gero bi taldeek beren koloreetako kamisetak jantzi eta gero bertso saioari hasiera eman diote. 

Etxekoek peluka, txano eta kuadrodun alkandorak soinean jantzita zituztela haien kopla idatziak kantatu dizkigute kitarra soinuaz lagunduta.

Agurraren erronda etorri da ondoren. Bertsolarriek konplementuak kendu eta musika elektronikoaz lagunduta aurkeztu dira eta Gladioloreek banan banan haien loretxoak aurkeztu dizkigute.

Kopla onak eta ez hain onak entzuteko aukera izan dugu, hori bai, giro zoragarriaz gozatu dugu momentu oro.

Behin bertso saioa amaituta eta epaimahaiak erabakia hartzen zuen bitartean bertsoariak rapeatzen hasi dira, pike handia sortuz. Entzuleek far galantak bota dituzte.

Gladioloreek 20 eta 4 irabazi diete BertsoLARRIei.

Irrikitan gaude hurrengo saioaz gozatzeko!

Hau da Mendialdeko bertso eskolako kideek prestatutako bertso sorta:

KUADRILLAK

I.

Gaur egungo kuadrillak

ezberdin ugari

batzuk betikoak eta

utzi berrik kabi

askotan euren beharrak

ez direnez nabari

baina zerbaitetarako

daudela hori argi

bestela galdeiozu

nere ondokoari

II.

Kuadrilla motetan dau

txikiteroena

potea hartzea da

haien plan onena

buruan txapela ta

tripa handiena

nahiko ondo pasatzeko

tragua behar duena

momentuz hau da jator

kuadrila gizena

III.

Gainera beti dago

eskola kuadrila

haien kasuan behintzat

konfidantza isila

badakitelako ta

zure iskanbia

orduan hobeago

mantentzea umila

bestela buelta eman ta

errieta pila

IV:

Bestalde ere badaude

bertsotan daudenak

hauek arratsaldean

gozatzen dutenak

askotan bertsoen ordez

jan ta jan onenak

baina lantzean behin

ba aritzen direnak

edo gehienak behintzat

saiatzen ahalmenak