Lizardi Sariketa ekarri du sareko plazara Bertsoa.eus guneak

Irailaren 7an, Euskal Astearen baitan ospatu zen Zarautzen Lizardi Sariketako finala: Imanol Uria, Imanol Irazustabarrena, Aitor Salegi, Txaber Altube, Eli Pagola eta Aratz Igartzabal aritu ziren bertsotan. Aitor Salegik irabazi zuen eta haren hitzak eta saioko bertsoaldien hautaketa bildu ditu Bertsoa.eus-ek. Bertso horietaz gainera, ostiralean bertan gauzatu zen Donostiako jaialdia ere ikusgai izango da: Unai Elizasuren gidaritzapean aritu ziren Beñat Gaztelumendi, Alaia Martin, Jone Uria, Iker Zubeldia, Aitor Mendiluze eta Sustrai Colina.

Eta bata bukatu eta bestea hasi: Lizardi Sariketak utzitako testigua hartuko du Hernandorena Sariak ostiralean. Hari begira jarriko da Bertsoa.eus, eta asteburuko agendari ere emango dio errepasoa.

On egin!