Bertsolaritza ikertzeko deialdietara aurkezteko epea amaitzear dago

Uztailaren 20an irekitako epea, apurka-apurka, ari da bukatzen. Justu hilabete falta da UPV/EHUko Mikel Laboa Katedrak eta Mintzola Ahozko Lantegiak antolatutako ikerketa deialdietara aurkezteko epea amaitzeko.

Unibertsitateko edozein jakintza alorretatik abiatuta, ahozko kultur sorkuntzaren gaineko ikerketa sustatzea da helburua; tartean, bertsolaritza.

Batetik, oraindik garatu gabe dauden lanak egiteko 2.000 euroko ikerketa proiektu sari bat dago banatzeko; eta bestetik, azken bi ikasturteetan defendatutako Gradu Amaierako Lanentzat 500 euroko saria eskaintzen da.

Xehetasunak Mintzolako eta Mikel Laboa Katedrako webguneetan daude.