Bertsozale.eus Bertsozale Elkartea

Nafarroa

Gazteak nagusi Bardoetako Leitzako saioan

2016/02/29
Bigarren faseko saio berri bat jokatu zen ostiralean Leitzako Atekabeltz gaztetxean 80 bertsozale bilduta. Taula gainean zein publiko artean gazte ugari elkartu zituen ekimenak.

Leitzako “Atekaberts” (Migel Mari Elosegi “Luze”, Joanes Illarregi, Xabat Illarregi) eta Lesakako “Unibertsolariak” (Iban Garro, Josu Sanjurjo, Joxe Juan Zubieta “Etxabe”) izan ziren kantuan. Saioa oso bizi joan zen eta hainbat ariketetan publikoak gogoz egin zuen barre. Gainera bertsolari arituak eta oso gazteak entzuteko aukera izan zuten bertaratutakoek; “Etxabe”-ren bertsokera landua eta Joanes zein Xabat Illarregi anaien gaztetasunaren freskotasuna esaterako. Bertsozaleen artean ere gazte ugari elkartu zen saioa ikusteko.

Leitza

Azkenean, leitzarrek eraman zuten puntu irabazlea eta datorren martxoaren 4an Igantziko Biltoki elkartean jokatuko den itzuliko saioan erabakita geratuko da zein talde pasako den finalera.

Atekaberts

Igantziko saiorekin batera, ostiralean beste bi saio jokatuko dira; Txantreako Auzotegi Kultur Etxean 19:30ean bertso-merendua eta Etxarri-Aranazko gaztetxean 22:00etan bertso-saioa. Larunbatean berriz Beran izango da hitzordua, 21:00etan hasita Kataku ostatuan.  

Bardoak 2016
  • Urtarrilak 22 - Martxoak 19

  • 16 talde

  • 121 parte-hartzaile

  • 71 bertsolari

  • 23 saio