Bertso Udalekuak

87374c8a-621c-4666-ba68-a7aac590899a.jpg

Euskal Herri osoko haur eta gazteek hartzen dute parte bertso udalekuetan. Euskalki aniztasuna da udalekuon ezaugarrietako bat. Bertsolariekin zuzeneko harremana dute udalekuetan.


Txanda bakoitzean bertso afari bat egiten da, eta gaztetxoek aukera dute beren erreferente direnekin jolasteko, hitz egiteko eta bertsotan jarduteko.

Kantugintza da beste zutabe garrantzitsuetako bat. Txanda bakoitzean kantuak sortzen dituzte, eta guztien artean udalekuetako diskoa osatzen dute.

Begirale-sukaldariak: bertso mundukoak eta aisialdian esperientzia dutenak dira.

Agenda

2016-12-08 Errenteria Sariketa

XXIII. Xenpelar Saria. Finala

2016-12-09 Itziar Berezia

"Espuela nahi". Bertsoa, antzerkia eta umorea

2016-12-10 Irun Sariketa

Bertsotruk. Euskal Herriko Bertso Eskolen arteko desafioa: Motxian B.E. vs. Txingudiko B.E.

2016-12-13 Oiartzun Berezia

"Adin adin" proiektua. Bertso tailerra

Agenda osoa

BDB gaur

2013-12-07 Baigorri

Miren Amuriza, Andoni Egaña

A. Egaña

Hau momentu kaxkarra
hau une txepela!
Ezetz esan ez dit ba
uste ez bezela!
Badakizu nerea 
lotsa hutsa zela
ziur nago zurea 
mendekua dela. (bis)

M. Amuriza

Dantzan eraman gura
zintudan hemendik
baina ezezko pila
hartu nituen nik.
Gaur zaharra izateak
zaharra zarenetik       
ez du esan nahi errez
konforma naizenik. (bis)

A. Egaña

Falta nuen dizdira
dantzako brillua
ispiluan aurrean
ze ordu pilua!
Ensaiatu ta ezetz
hau da istilua!
Ia desgastatuta
daukat ispilua. (bis)

M. Amuriza

Entseatu ei dozu
errenditu nendin
gaur eskaintza bat egin
didazu desberdin
ta hurbildu zatzaizkit
balada batekin
nik gutxienez nahi dut
fandangoa egin. (bis)

A. Egaña

Ni fandangoan nahiko
txarra naiz praktikan
ez dut asko mugitzen
beso ez hankikan
hankak beti geldo ta
eskuak patrikan
orain mugitzen zaizkit
hortzak bakarrikan. (bis)

M. Amuriza

Hortzak dituzu lagun
oraindik dardarka
baina purua eskuan
ez duzu ez falta.
Nola altxaraziko
dizut bada hanka
lau salto egin orduko
itoko zara ta! (bis)

A. Egaña

Nere asmoen berri
baduzu azkenik
erle izanak jada
ez baitu eztenik
arnasa juxtu-juxtu
hartzen du Andonik
zure bular artean
ito nahi nuke nik. (bis)

M. Amuriza

Lehen botatzen zizkidan
makina bat ezten
ta orain hitz politok
ez ditut sinesten
nire bular artea
nola hain merke ez den
debalde dago eta
zuk segi amesten. (bis)

A. Egaña

Baina posible al da
ezetz esatea!
Esan zaidazu baietz
letra potentea:
azken dantza hontara
zurekin maitea
posible da benetan
azkena izatea. (bis)

M. Amuriza

Tira ba egingo dut
zugana eztanda
eta onartuko dut
Andoni demanda.
Agian hau guretzat
azken dantza izanda
badaezpada jarri
gaitezen etzanda. (bis)

A. Egaña

Garaia zen postura
zeuk aukeratzeko
nere beso ta gerri
ez minberatzeko
baina esazu argi
ni enteratzeko:
arriskurik ba al da
haurdun geratzeko? (bis)

M. Amuriza

Emakumeok dugu
arrisku gorena
gizonekin ibili
ezkero lehena.
Ni jada haurdun nago
esango dut dena
zu zara euki dudan
ume haundiena. (bis)

Nere maitea jeiki ta jeiki I

Bertso ezagun hauek doinu askotan kantatzen dira. Besteak beste: ENE MAITIA JAIKI TA JAIKI; GAU ILUNIAN IREKIKO RE; XARMAGARRIA JAIKI TA JAIKIà. Doinuak aurrera darrai maitaleen arteko elkarrizketan, Ez dizut irekiko gau ilunian aterikà. Juan Mari Areitiok ekarri zuen doinu hau bertso mundura.