Sailak

Transmisioa

Transmisio sailaren  zeregina belaunaldiz-belaunadi bertsolari, zale, antolatzaile, irakasle... eta, orohar, bertsolaritzaren ekosistema elikatzea da; horretarako ezinbestekoa zaigu esparru ezberdinetatik eragitea.

Egitasmo nagusi ditugu:

  • Ikastetxeetan bertsolaritza klaseak bideratzen dituen Gu ere bertsotan proiektua, Bertsolaritzaren Curriculuma duena oinarri. Ikastetxeekin kantaldiak, topaketak, jaialdiak, irratsaioak... egiten dira urtero.
  • Haurren eta helduen bertso-eskolak, eta berauei zuzendutako ekimenak (materiala, ikastaroak, bertso-eskolen mapa, Bertso Eskolen Egunak...).
  • Eskolartekoa proiektua, ikasturtean zehar gaztetxoentzat saioak eta harremanetarako guneak eskaintzen dituzten ekimenek osatua: bertso-merenduak, barnetegiak, topaketak, udalekuak, negulekuak, idatzizko sariketak, bat-bateko txapelketa, gazteentzat saioak...
  • Helduen Euskalduntzeaz bideratutako ekimenak: saio didaktikoak euskaltegietan, Bertso Korrika...

Harremanetarako: Esti Alberdi eta Ixiar Eizagirre (transmisioa[abildua]bertsozale.eus).

Sustapena

Hedapen sailaren egitekoa bertsolaritzaren zabalkundea sustatzea da.

Zeregin nagusiak:

  • Txapelketa Nagusiaren antolaketa.
  • Bertso Egunaren prestaketa.
  • Telebista eta irrati bidezko bertsolaritzaren zabalkundea.
  • Bertsolarien egile eskubideen inguruan hausnarketa.
  • Plazaz plazako bertsogintzaren azterketa.

Harremanetarako: Jon Agirresarobe (sustapena[abildua]bertsozale.eus).

Ikerkuntza

Bertsolaritzaren gaineko ikerketa eta azterketak ahalbidetzea da Iker sailaren zeregina, eta hori lortzeko bi lan-arlotan banatzen da saila:

Xenpelar Dokumentazio Zentroa

  • Bertsolaritzaren ondarea bildu, antolatu eta gizarteratu.
  • Zerbitzu publikoa eskaini, erabiltzaile ororen eskaerei erantzunez.
  • Bertsolaritza Datu-Basearen (bdb.bertsozale.com) garapena eta edukien katalogazioa.
  • Bertsolaritzaren ondarearen digitalizazio programarekin aurrera egin.
  • Biografien datu basearen garapena.
  • Irratietarako grabazioen zerbitzua.

Harremanetarako: bdb.bertsozale.eus (xenpelar[abildua]bertsozale.eus).

    Iker taldea

    • Bertsolaritzaren gaineko ikerketak bultzatu, bideratu edo/eta sostengua eman.
    • Bertsolaritzaren iker-lerroak definitu. Horren adierazle da amaitzen ari den Iker Mapa, orain arte egin diren azterketak eta oraindik aztergai dauden esparruak identifikatzen dituena.
    • Zenbait azterketatan edo/eta gogoetatan parte hartu.
      • Bertsolaritzako Estilo Liburua amaitu
      • Bat-bateko bertsoak epaitzeko irizpideen berrazterketa eta berridazketa
      • Bertso Doinutegiaren eguneraketa
      • Bertsolari eta bertsozaleen azterketa abian jarri
      • Kulturarteko lan-taldean parte hartu
      • Bertso eskolen inguruko gogoeta

    Harremanetarako: Karlos Aizpurua (ikerkuntza[abildua]bertsozale.eus).

    Genero Taldea

    2008an jarri zen martxan, Bertsozale Elkartean, Genero taldea. Bertsozale Elkartearen barruan parekidetasunari ekiteko talde propio bat sortu izana, bertsolaritzan azken urteotan gauzatu den ibilbidearen ondorioa izan da.

    Egiteko nagusiak:

    • Bertsozale Elkarteko Genero Agenda: Elkarteko sail bakoitzean genero ikuspegia eta parekidetasuna sustatzeko neurriak.
    • Formazioa eta sentsibilizazioa: Bertsogintzako agente ezberdinei begirako formazioa, hitzaldi zein tailer esperimentalen bidez, eta landu nahi diren ezaugarrien arabera hiru bidetan egingo da:mistoan, emakume zein gizonezkonentzako, elkarrekin egiteko hausnarketak; emakumeen enpoderamenduaren lanketarako; eta gizonezkoen maskulinitatearen hausnarketarako.
    • Gizarteratzea: Bertsolaritza eta generoaren alorrean egiten den lana bide ezberdinetatik ezagutaraztea.

    Harremanetarako: Ixiar Eizagirre eta Nere Erkiaga (umorez[abildua]bertsozale.eus).

    Komunikazioa

    Komunikazio sailak Bertsozale Elkartearen barruko eta kanpoko komunikazioaren ardura du.

    Egiteko nagusiak:

    • Elkartearen komunikazio politika diseinatu eta garatzea.
    • Bazkideekiko etengabeko komunikazioa zaintzea.
    • Sarean Bertsozale Elkartearen eta bertsolaritzaren presentzia eragitea.
    • Hedabide eta gizarte mailan bertsolaritzak duen presentziaren jarraipena egitea.
    • Elkarteak aurrera eramaten dituen egitasmoen komunikazio planak diseinatzea eta gauzatzea.

    Harremanetarako: Amaia Goikoetxea eta Estibalitz Esteibar  (komunikazioa[abildua]bertsozale.eus).